| e-texts navigator |
| Wylie |
183b1 གསུམ་དབྱིངས་ལ་བརྡའ་ཕྲད་འབྲལ་དུ་མེད།། མ་རྙོགས་དངས་མར་གསལ་བས་སྒྲིབ་པ་མེད།། མ་ཡེངས་རང་བཞིན་གསལ་བས་སངས་རྒྱས་ཡིན།། ཡེངས་མེད་འཁོར་ལོས་སྒྲིབ་པ་རྣམ་པར་གཅོད།། རྙོག་དང་མ
183b2 རྙོག་རྟོག་པས་མ་རྙོག་སྟེ།། མ་རྙོག་རྙོག་དུས་བཞི་ཡིས་མི་ཕྱེ་ལ།། དུས་ཚོད་ངེས་འཛིན་བདེ་མཆོག་གདམས་ངག་བཞིན།། རྙོག་དང་མ་རྙོག་གཉིས་ཀ་བསལ་གྱུར་ན།། དམ་པའི་དགོངས་པ་ལྷུན་གྱིས་གྲུབ་ངེས
183b3 པས།། རྙོག་མ་བསལ་ཞིང་དངས་མ་བླང་དུ་མེད།། སྡིག་གསུམ་བདེ་བར་གཅིག་པས་འཁོར་བའི་འཇིགས་པ་མེད།། ལྷུན་གྲུབ་ཉམས་སུ་མྱོང་བས་འབྲས་བུ་རེ་དོགས་མེད།། རིག་པའི་ཆོ་འཕྲུལ་ཉིད་ལ་རྩོལ་བསྒྲུབ
183b4 བྱ་མི་དགོས།། ཞེས་གསུངས་སོ།། སྙིང་པོ་དོན་གྱི་རྒྱུད་ལས། མ་བཙལ་ལྷུན་གྱིས་གྲུབ་པའི་ལུང་ཕོག་པའི་ལེའུ་སྟེ་གཉིས་པའོ།། །། དེ་ནས་ཡང་བཅོམ་ལྡན་འདས་རིག་པའི་རྒྱལ་པོ་དེས། ཐམས་ཅད་གཏན
183b5 ལ་ཕེབས་པའི་ཏིང་ངེ་འཛིན་ལ་གནས་པ་འདི་སྐད་གསུངས་སོ།། འདུས་པ་ཆེན་པོའི་རྣལ་འབྱོར་པ།། རང་སེམས་རྫོགས་པས་རང་བཞིན་གསལ།། སྒྲ་དང་ཚད་མ་གཏན་ཚིགས་ཀྱིས།། བརྗོད་བྲལ་གཏན་ལ་ཕེབས
183b6 པ་མེད།། མ་བཅོས་རིག་པའི་གཏན་ཚིགས་ཀྱིས།། མ་བརྗོད་དོན་གྱི་ངོ་བོ་མཚོན།། ཆུ་ཡི་རང་བཞིན་གཤེར་བ་ལྟར།། རིག་པ་ཉམས་སུ་ཤེས་པར་བྱ།། ཇི་བཞིན་རྟོགས་པའི་ཉམས་མེད་ན།། ཚིག་གི་བརྡའ་ཚིག
iiif viewer powered by OpenSeadragon
