| e-texts navigator |
| Wylie |
183a1 དཀྱིལ་འཁོར་སྤངས།། བཏང་སྙོམས་སྟོང་ཉིད་བསྒོམས་པས་བདེ་མཆོག་ཕྱག་རྒྱ་དྲལ།། མཚན་མ་ཚིག་ལ་ཞེན་པས་མཐའ་ཡི་ལྟ་བར་ལྷུང་།། གང་ཡང་མི་འབྱེད་བདེ་མཆོག་དབྱིངས་ལ་རོལ།། སྙིང
183a2 པོའི་སྙིང་པོ་རིག་པའི་ཡེ་ཤེས་ཉིད།། དོན་གྱི་དོན་ཏེ་ཀུན་དོན་སེམས་ལ་ཐུག། རྒྱུད་ཀྱི་རྒྱུད་དེ་ཀུན་འབྲེལ་རང་བཞིན་རྫོགས།། བྱ་བྲལ་རྫོགས་ལུང་བདེ་མཆོག་ཕྱག་རྒྱས་གདབ།། ཡེ་ནས་མི་འདའ་ལྷུན་གྱིས་གྲུབ
183a3 པར་གསལ།། རང་བྱུང་གཅིག་ལ་བལྟས་དགུར་རང་སྣང་བ།། རྣམ་པ་ལྷུན་གྲུབ་རོལ་པ་ངོ་མཚར་ཆེ།། རང་བཞིན་གཅིག་ལ་ཡོན་ཏན་ཀུན་ཚང་བས།། མ་བཙལ་བཞག་པས་ཡོན་ཏན་རང་བཞིན་རྫོགས།། མ
183a4 བསགས་ལྷུན་གྲུབ་རང་བྱུང་འབྲས་བུ་ལ།། རག་ལས་མ་ཡིན་གདོད་ནས་ལྷུན་རྫོགས་ཡིན།། སྦྱངས་ཐོབ་མ་ཡིན་དག་པ་བརྡའ་ཕྲད་ཡིན།། དམིགས་བྲལ་འདི་ཉིད་མཁའ་ལྟར་ཁྱབ་པར་གནས།། བསམ་མེད་བརྗོད
183a5 བྲལ་ཆོས་དབྱིངས་སྒྲ།། བརྗོད་པས་རིག་པའི་ཡེ་ཤེས་རྙེད་མི་འགྱུར།། མ་བཙལ་རང་བཞག་བདེ་ཆེན་རྒྱས་ཐེབས་ན།། ཐམས་ཅད་ཡེ་ཤེས་བདེ་མཆོག་ཕྱག་རྒྱར་གསལ།། སྟོང་མིན་མི་སྟོང་མ་ཡིན་དབུ་མ
183a6 མིན།། གང་ཡིན་དེ་ཡིན་བདག་གཞན་གང་ཡང་མིན།། བསམ་པ་ཀུན་ཟད་སྦྱོར་བའི་འདུ་ཤེས་མེད།། སྟོང་ཞིང་རང་གསལ་རང་རིག་བདེ་མཆོག་དབྱིངས།། རྒྱ་གསུམ་དབྱིངས་ལ་ཐེབས་པས་འདའ་མི་སྲིད།། སྐུ
iiif viewer powered by OpenSeadragon
