| e-texts navigator |
| Wylie |
182a1 རྫོགས་ཐིག་ལེ་ལ།། རང་བཞིན་གནས་པས་རིམ་པ་མེད།། སྙིང་པོ་རིག་པ་དོན་གྱི་རྒྱུད།། དེ་རྒྱུད་ཐེག་པའི་ཡང་སྙིང་འདི།། ཡེ་ཤེས་ཕྱག་རྒྱ་རྫོགས་པའི་མཆོག། མི་འདའ་དེ་ཉིད་ཁོ་ནའི་དོན།། འདུ
182a2 ཤེས་སྦྱོར་བ་མ་ལུས་ཟད།། རྒྱུ་མེད་སེམས་ལ་རྐྱེན་བྲལ་བས།། སྐྱེ་འཇིག་འགྱུར་བ་ག་ལ་ཡོད།། ཡེ་ནས་ཟིན་པས་བྱ་བ་མེད།། ལྷུན་གྱིས་རྫོགས་པས་བསམ་པ་མེད།། རང་ལ་རྫོགས་པས་བསྒྲུབ་ཏུ
182a3 མེད།། དམིགས་མེད་དོན་ལ་བསྒོམ་དུ་མེད།། དུས་གཅིག་རྫོགས་པས་བགྲོད་དུ་མེད།། ཡེ་ཤེས་རིག་པའི་ཕྱག་རྒྱ་ལ།། རྣམ་གྲོལ་འབྲས་བུ་ཀུན་རྫོགས་ལྡན།། གསང་བ་རང་བྱུང་རིག་པའི་སྒྲ།། བརྗོད་པ་མ་ཡིན
182a4 དོན་གྱིས་ཤེས།། འདི་ལྟར་གཅིག་ཏུ་གནས་པ་ལ།། ཐ་དད་མཐོང་བ་འཁྲུལ་པའི་ལམ།། སྙིང་པོ་སེམས་ཉིད་རྫོགས་པ་ལ།། དྲན་དང་དབང་པོ་ཡིད་བྱེད་མེད།། ལུས་དང་ངག་སེམས་རྩལ་གནས་མེད།། ཅི་བདེར
182a5 གནས་པ་དགག་བསྒྲུབ་མེད།། ཅེས་གསུངས་སོ།། སྙིང་པོ་རྣལ་མ་དོན་གྱི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་རྩོལ་མེད་རིག་པའི་རྒྱལ་པོས། ལྡན
182a6 གྱིས་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ།། མ་བཙལ་ལྷུན་གྲུབ་མ་བཅོས་ཆོས་ཀྱི་དབྱིངས།། མ་རྩོལ་མ་བྱས་ཡེ་ནས་ཇི་བཞིན་ཉིད།། རང་བྱུང་གསང་བའི་དབྱིངས་འདི
iiif viewer powered by OpenSeadragon
