| e-texts navigator |
| Wylie |
181a1 བསྣམས་ནས་བྱོན་པའི་ཆོས་གསེར་གྱི་དྲིལ་ཤིང་ཅན་རྫོགས་སོ།། །། @#།། རྒྱ་གར་སྐད་དུ།། བཛྲ་སཏྭཉྫ་ཀ་ཤ་བི་པྲ་ལ་གུཧྱ་གརྦྷ་པྲ་ཀྲེཏྱརྠ་ཏནྟྲ། བོད་སྐད་དུ། རྡོ་རྗེ་སེམས
181a2 དཔའ་ནམ་མཁའ་ཆེ་གསང་བའི་སྙིང་པོ་རྣལ་མ་དོན་གྱི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་དུས་གཅིག་ན། བཅོམ་ལྡན་འདས་རང་བཞིན་རྫོགས་པ་ཆེན་པོ།། ཡེ
181a3 ཤེས་ལྷུན་གྱིས་གྲུབ་པ། རང་བྱུང་རིག་པའི་རྒྱལ་པོ།། འོད་གསལ་ཐིག་ལེ་བདེ་བ་ཆེན་པོ་དེ། རིག་པ་འཕོ་འགྱུར་མེད་པའི་གཞལ་ཡས་ཁང་ན། དུས་གསུམ་གྱི་སངས་རྒྱས་དང་། ཁམས་གསུམ་གྱི་སེམས་ཅན་དང་།
181a4 ལམ་ལ་རྗེས་སུ་ལྟ་བ་རྣམས་འབྱེད་པ་མི་མངའ་བར་ཐབས་ཅིག་ཏུ་བཞུགས་སོ།། དེ་ནས་དེ་བཞིན་གཤེགས་པ་རིག་པའི་རྒྱལ་པོ་ལ།། རིག་པའི་རྡོ་རྗེས་འདི་སྐད་ཅེས་ཞུས་སོ།། ཨེ་མའོ་དགོངས་པ་རྣམས
181a5 ཀྱི་གསང་།། སྟོང་ཉིད་ཞི་བ་ཐུགས་རྗེའི་ངང་།། སྙིང་པོའི་སྙིང་པོ་དོན་གྱི་མཆོག། རྫོགས་ཆེན་དོན་འདི་ལེགས་པར་གསུངས།། ཞེས་གསོལ་ཏོ།། དེ་ནས་དེ་བཞིན་གཤེགས་པ་རིག་པའི་རྒྱལ་པོ་དེས།། བཙལ་དུ་མེད
181a6 པ་ཐིག་ལེ་ཆེན་པོའི་དོན་འདི་གསུངས་པ། རང་བྱུང་གསང་བ་ཐིག་ལེའི་ངང་།། ཆོས་ཀུན་འདུས་པ་ལུས་པ་མེད།། འགྲོད་མེད་རྩོལ་བྲལ་ལྷུན་གྱིས་གྲུབ།། སྦྱངས་ཐོབ་མ་ཡིན་རྫོགས་པའི་ཀློང་།། རིག་པའི་རྒྱལ་པོ
iiif viewer powered by OpenSeadragon
