| e-texts navigator |
| Wylie |
180a1 ཕྱིར།། ལུས་ཀྱི་སྒྲིབ་གཡོགས་བྲལ་བའི་སྐད་ཅིག་ལ།། འབྲས་བུ་སངས་རྒྱས་རྒྱལ་པོ་ཆོས་ཀྱི་སྐུ།། དཔེ་མེད་ཀུན་བཟང་ཡེ་ཤེས་ཐུགས་ཀྱི་ཐུགས།། ནམ་མཁའི་མཐོངས་སུ་ཉི་ཤར་མུན་པ་མེད།། དེ
180a2 བཞིན་རྣལ་འབྱོར་ལུས་བྲལ་སེམས་ཉིད་ལ།། མ་རིག་མེད་པར་ཆོས་ཉིད་གསལ་བའི་ཕྱིར།། སངས་རྒྱས་ཡེ་ཤེས་ཐུགས་ལ་འཆར་ནུབ་མེད།། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། འཁོར
180a3 འདས་གཉིས་ཀྱིས་མཚམས་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་ཡང་ཀུན་རིག་རྒྱལ་པོས་དོན་བསྟན་པ།། ཐེག་པའི་རྒྱལ་པོ་ཆོས་ཉིད་ལྷུན་རྫོགས་འདི།། སྐལ་དང་ལྡན་པའི་འཁོར་རྣམས་ཁྱེད
180a4 ཀྱིས་ཀྱང་།། རྒྱུད་འདི་ཡིད་ལ་གནས་ཤིང་བཅང་བར་གྱིས།། དེ་ཡང་འདུས་པའི་རྡོ་རྗེ་སྙིང་པོ་ཉོན།། སྤྱོད་པ་ཚུལ་འཆོས་བྱེད་ཅིང་སློབ་དཔོན་སྨོད།། ནོར་འཕངས་ཆོས་འདོད་ཐབས་ཀྱིས་འདྲིད་པ་ལ།། ཡེ་ཤེས
180a5 གཏིང་རྫོགས་རྒྱུད་ཆེན་ལྟ་བ་ནི།། སྣོད་ངན་རྣམས་ལ་ནམ་ཡང་བསྟན་པར་མ་གསུངས་སོ།། བཀའ་བཞིན་མ་བྱས་དོན་གྱི་སྙིང་པོ་ཆོས།། འཇིག་རྟེན་ནོར་ཕྱིར་དོན་སྟོན་རྣལ་འབྱོར་ལ།། སངས་རྒྱས་དཀོན་མཆོག
180a6 བཀའ་ཆད་འབྱུང་ངེས་ཕྱིར།། འཇིག་རྟེན་མཁའ་འགྲོ་དམ་ཅན་སྨོས་ཅི་དགོས།། གནོད་སྦྱིན་སྲིན་པོས་སྲོག་བཅད་མནར་མེད་ལྟུང་།། ད་ཡང་འཁོར་གྱི་སེམས་དཔའ་ཡིད་ཀྱིས་ཉོན།། བསྟན་པ་འཇིག་པའི་དུས
iiif viewer powered by OpenSeadragon
