| e-texts navigator |
| Wylie |
17a1 མེད།། ངས་ཀྱང་མཐོང་བར་མི་ནུས་སོ།། མངོན་སུམ་མི་གནས་ཀུན་ཏུ་ཁྱབ།། ཟད་མི་ཤེས་པའི་གཏེར་དུ་འགྱུར།། ཆོས་རྣམས་ཀུན་གྱི་རང་བཞིན་ནི།། སྟོང་པ་ཉིད་ལས་གཞན་མིན་པས།། འཁོར་བ
17a2 དང་ནི་མྱ་ངན་འདས།། བྱེ་བྲག་དབྱེ་བ་གཅིག་ཀྱང་མེད།། དེ་དག་གཉིས་ཀྱི་ཁྱད་པར་ནི།། ཆ་ཤས་ཙམ་ཡང་ཡོད་མིན་ཏེ།། ཕུང་པོ་ཁམས་དང་སྐྱེ་མཆེད་དང་།། རྟེན་ཅིང་འབྲེལ་འབྱུང་ལ་སོགས་པ།། སྟོང་པ་ཉིད
17a3 ལས་གཞན་མིན་ཏེ།། ཆོས་རྣམས་རང་བཞིན་སྟོང་པ་ལ།། སྐྱེ་བོ་རྣམས་ཀྱིས་མཐོང་བ་མིན།། དེ་ཕྱིར་ཆོས་རྣམས་རང་བཞིན་ནི།། དེ་བཞིན་གཤེགས་པ་ཞེས་བྱ་བས།། ཆོས་རྣམས་བདེ་བར་གཤེགས་དང
17a4 འདྲ།། གཞན་ནས་བཙལ་བས་རྙེད་པ་མིན།། ཡང་དག་ཉིད་དུ་གང་བལྟ་བས།། ཡང་དག་མཐོང་བར་མི་ནུས་ཏེ།། འགའ་ཡང་མཐོང་བ་མེད་པ་ནི།། དེ་ཉིད་མཐོང་བ་ཆེན་པོའོ།། མྱ་ངན་འདས་དང་སངས་རྒྱས
17a5 པ།། གང་གིས་མཐོང་བར་མི་ནུས་ཏེ།། པདྨ་སྤྱན་གྱི་ཡེ་ཤེས་ཀྱིས།། སྐད་ཅིག་གཅིག་ལ་མངོན་བྱང་ཆུབ།། རང་བཞིན་གཅིག་གི་བདག་ཉིད་ལ།། རྣམ་པ་ཐ་དད་དུ་མར་སྣང་།། ལོག་པར་བརྟགས་པའི་བདག་ཉིད
17a6 པས།། འགྲོ་བ་འཁྲུལ་པ་རྒྱར་ཆུད་འདྲ།། རྣམ་རྟོག་མེད་པའི་སེམས་ལ་ནི།། འབྱུང་བ་ལ་སོགས་བཅོམ་ལྡན་འདས།། ཆུབ་པར་གནས་པས་བཅོམ་ལྡན་འདས།། འགྲོ་བ་ཀུན་ལ་རང་བཞིན་གནས།། སངས་རྒྱས
iiif viewer powered by OpenSeadragon
