| e-texts navigator |
| Wylie |
179b1 ཡང་ནི།། འདོད་པའི་དབང་གིས་ས་ཁུང་རྙི་ཡིས་འཛིན།། དེ་བཞིན་གཟུང་འཛིན་དབང་གིས་ལུས་སུ་འཇུག། དེ་ཚེ་གཅིག་གིས་ཐ་དད་གང་ལེན་པ།། ཆར་སོགས་སྡུག་བསྔལ་ཉིད་གྱུར་སྐྱབས་ཚོལ་བས།། གཞལ
179b2 ཡས་རྩཝ་ཡི་སྤྱིལ་སྐྱིབས་ནང་དག་ཏུ།། རང་དབང་མེད་པར་ཤུགས་ཀྱིས་ཆུད་པ་སྙམ།། ཕོ་མོ་འདུ་འཕྲོད་རྐྱེན་གྱིས་མངལ་དུ་འཇུག། རྣམ་བཞི་གང་རུང་ལས་ཀྱིས་སྐྱེ་བའི་ཕྱིར།། མཐོན་དམན་ལས་ལ་འདམ་པའི
179b3 དབང་མེད་པ།། དེ་ཡང་འདུས་པའི་འཁོར་རྣམས་ད་ཉོན་ཅིག། མཐའ་མིའི་རྣལ་འབྱོར་བལྟ་བ་རྟོགས་པ་ཡི།། གདམས་ངག་སྐལ་མེད་བསམ་གཏན་ཞི་གནས་ཀྱིས།། ཡེ་ཤེས་བག་ཆགས་མཉམ་ཉིད་ཏིང་འཛིན
179b4 གྱིས།། རྫོགས་པ་ཐ་མ་ཉམས་སུ་མྱོང་བའི་ཕྱིར།། འདོད་ཆགས་ལྷ་མི་གར་སྐྱེས་རང་དབང་ཡོད།། རྟོགས་པ་འབྲིང་གི་རྣལ་འབྱོར་བལྟ་བ་ནི།། དྲན་པ་མ་ཡེངས་ཙམ་དུ་དོན་གསལ་ན།། རྣམ་རྟོག་ཆགས་པ་དེ་ཉིད
179b5 ཟིལ་གྱིས་གནོན།། དཔེར་ན་མི་གང་རྩལ་ལྡན་དེ་ཤུགས་ཀྱིས།། རྩལ་མེད་ནོན་བཞིན་རྗེས་སུ་གསལ་བས་ན།། དཔེར་ན་ཁྱུང་སྒོང་ནང་ནས་བྱ་བཏོན་བཞིན།། རྣམ་སྨིན་ལུས་དང་བྲལ་ནས་དོན་དྲན་ཏེ།། གཙང་མ
179b6 རིས་ཀྱི་ལྷར་ནི་སྐྱེས་ནས་ཀྱང་།། མངོན་པར་འབྲས་བུ་སངས་རྒྱས་ཡེ་ཤེས་འབྱུང་།། དེ་ཡང་སེམས་དཔའ་རྡོ་རྗེ་སྙིང་པོ་ཉོན།། རྟོགས་པ་རབ་ཀྱི་བློ་དངོས་གཅིག་པའི་ཕྱིར།། ལྟ་བའི་རྒྱུན་ལ་ཡེངས་པ་མི་འབྱུང
iiif viewer powered by OpenSeadragon
