| e-texts navigator |
| Wylie |
179a1 ཤེས་གཏིང་རྫོགས་རྒྱལ་པོའི་རྒྱུད་ལས། བལྟ་བ་ཉམས་པ་བསྐངས་པའི་འབྲས་བུ་བསྟན་པའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་ཀུན་རིག་རྒྱལ་པོས་འཁོར་རྣམས་ལ།། འཁོར་འདས་ས
179a2 མཚམས་བཀའ་སྩལ་པ།། ཐོག་མར་འཁྲུལ་པའི་གཞི་གནས་བག་ཆགས་དེ།། གཉིད་དང་འདོད་ཆགས་འཇིགས་དང་རྟོགས་པ་རྣམས།། སྔར་གྱི་མངལ་གྱི་སྒྲིབ་གཡོགས་བག་ཆགས་བརྟས།། སེམས་དཔའ་རྡོ་རྗེ
179a3 འདུས་པའི་སྙིང་པོ་ཉོན།། སྐྱེ་བོ་རང་སེམས་མ་རྟོགས་པར་དོ་ནས།། དཔེར་ན་སྤྲིན་དང་ལིང་ཏོག་ཆུ་བུར་མིག། རྫས་རྣམས་མི་མཐོང་བསྒྲིབས་པའི་མུན་པ་བཞིན།། མ་རིག་དབང་གིས་བསྒྲིབས་པའི་བག་ཆགས
179a4 ཀྱིས།། རང་ལ་ཡོད་པའི་ཆོས་སྐུ་དོན་ཆེན་བསྒྲིབས།། དེ་ཚེ་སྔོན་གྱི་རྫས་རྣམས་རྗེས་དྲན་ནས།། གོས་དང་གཉེན་འདུན་དྲན་པ་བྱུང་ནས་ཀྱང་།། ང་ཉིད་ངེས་པར་ཤིའམ་གར་འགྲོ་བའི།། སྒྲིབ་གཡོགས་ལུས་ཀྱི་ཆུ
179a5 བུར་དམིགས་པའི་ཕྱིར།། དཔེར་ན་མིག་ཕྱུང་བཞིན་དུ་བག་ཆགས་བློས།། དུག་ལྔ་ལས་ལ་ཀུན་སྤྱོད་ཡིད་དྲན་འགྱུར།། ཤེས་རབ་ལྟ་བའི་མིག་མེད་གཏི་མུག་བློས།། མི་ཤེས་བྱེད་པ་མེད་ཕྱིར་འདུས་བྱས་ཀྱི།། དགེ
179a6 བ་ལུས་ངག་ཡིད་ཀྱིས་ཅི་སྤྱད་ཀྱང་།། ཕན་པ་རྡུལ་ཙམ་མི་ནུས་དོན་མེད་འཁྱམས།། དེ་ཚེ་གཟུགས་བྲལ་ཡིད་ཀྱི་དབང་པོ་ནི།། ཀུན་ཚང་ཐོགས་མེད་འགྲོ་བའི་ཕྱིར་ན་འཁྲུལ།། དཔེར་ན་འདབ་ཆགས་མཁའ་ལ་འགྲོ།
iiif viewer powered by OpenSeadragon
