| e-texts navigator |
| Wylie |
178b1 བརྗེད་གཟུངས་སུ་དོན་ལ་གུས་པའི་ཆོས།། སེམས་ལ་གསལ་བས་རྣམ་རྟོག་མིང་ཡང་མེད།། སྐྱབས་དང་མགོན་དུ་ལྟ་བ་མཆོག་ཏུ་གསུངས། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་རྒྱལ་པོའི་རྒྱུད་ལས། རྣལ
178b2 འབྱོར་པ་བལྟ་བ་ཉམས་ན་སྐོང་བའི་ཐབས་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་འདུས་པའི་སྙིང་པོ་འཁོར་རྣམས་ལ།། ཀུན་བཟང་སྟོན་པ་ཆོས་རྗེས་བཀའ་སྩལ་པ།། ལྟ་བ་ཉམས་པ་བསྐངས
178b3 པའི་འབྲས་བུ་ནི།། རང་སེམས་སངས་རྒྱས་ཡེ་ཤེས་སྙིང་པོ་འབྱུང་།། རྟོགས་པ་ཙམ་གྱིས་སངས་རྒྱས་ས་ལ་གནས།། འབྲས་བུ་གཞན་དུ་བཙལ་མི་དགོས་པས་མཆོག། རང་བྱུང་གདོད་ནས་དག་པའི་ངོ་བོ
178b4 ཉིད།། ཆོས་སྐུ་འགྱུར་བ་མེད་པ་རང་སེམས་དོན།། འབྲས་བུ་དུས་ལ་མི་ལྟོས་ད་ལྟ་ཉིད།། ཡེ་ཤེས་དབང་ཐོབ་སངས་རྒྱས་ཀུན་དང་མཉམ།། རྣམ་སྨིན་ལུས་འདི་བྲལ་བས་ཀུན་བཟང་ཐུགས།། བྱང་ཆུབ་ཆོས་ཉིད
178b5 རང་བྱུང་མཐར་ཕྱིན་པས།། མི་ཚེ་འདི་ཡིས་བྱང་ཆུབ་མཆོག་ཐོབ་ནས།། རྒྱུ་ལ་མི་ལྟོས་འབྲས་བུ་ཡེ་ཤེས་ཚོགས།། ད་ལྟ་ཉིད་དུ་སེམས་འདི་ཀུན་ཏུ་བཟང་།། ལུས་འདི་བྲལ་བས་སངས་རྒྱས་ཆོས་ཀྱི་སྐུ།། སྐྱེ་བ་མི
178b6 ལེན་འབྲས་བུ་བཙལ་མི་དགོས།། དངོས་པོ་ལུས་མེད་སྙིང་པོ་བྱང་ཆུབ་སེམས།། སྤྲིན་མེད་ནམ་མཁར་གཟའ་སྐར་འཆར་བ་བཞིན།། རང་སེམས་རྟོགས་པས་འགྲོ་དོན་བཙལ་མི་དགོས། རྫོགས་པ་ཆེན་པོ་ལྟ་བ་ཡེ
iiif viewer powered by OpenSeadragon
