| e-texts navigator |
| Wylie |
178a1 ཆོས་ཀྱི་ཁུངས་ཕྱུང་ནས།། བྱར་མེད་ཆོས་ལ་ང་རྒྱལ་བློ་བརྟན་ནས།། ལུས་ངག་རྩིང་ཆོས་པད་ཧྲལ་སྤྱོད་བྱེད་པས།། རང་སེམས་བཀག་ཀྱང་འཁོར་བར་མི་སྐྱོབས་ཏེ།། སྡུག་བསྔལ་ཡ་ངའི་འབྲས་བུ་ཐེ
178a2 ཚོམ་མེད།། བལྟ་བ་ཉམས་པའི་སྐྱོན་དུ་བཤད་པའི་ཕྱིར།། ཤིན་ཏུ་རྣལ་འབྱོར་དོན་ཉིད་རྟོགས་པ་གཅེས། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་རྒྱལ་པོའི་རྒྱུད་ལས། རྣལ་འབྱོར་པའི་བལྟ་བ་ཉམས་པའི
178a3 སྐྱོན་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་ཡང་ཀུན་རིག་རྣམ་པར་སྣང་མཛད་ཀྱིས།། རྣལ་འབྱོར་བལྟ་བ་ཉམས་ན་སྐོང་བའི་ཐབས།། འདུས་པའི་ཚོགས་ལ་ཆེད་དུ་བཀའ་སྩལ་པ།། རང་གི
178a4 བྱང་ཆུབ་སེམས་ཉིད་མ་རྟོགས་ན།། མ་ཧཱའི་ཡོ་གའི་ཆོས་ཀྱི་ཚོགས་མཆོད་ཕྱིར།། སྐོང་བཤགས་ཕྲིན་ལས་གཞུང་དུ་བྱས་གྱུར་ཀྱང་།། རྣལ་འབྱོར་ལྟ་བ་ཉམས་པ་བསྐང་མི་འགྱུར།། དེ་ཡང་སེམས་དཔའ་རྡོ་རྗེ་ཡིད
178a5 ཀྱིས་ཉོན།། བླ་མ་བརྒྱུད་པའི་གདམས་ངག་དོན་ལྡན་ལ།། རང་སེམས་དཔང་དུ་བཙུགས་ནས་དོན་ཞུས་ནས།། རྒྱུན་དུ་མི་གཏོང་ལྟ་བ་དྲན་བྱས་ནས།། སྙིང་པོ་མཆོག་གི་སངས་རྒྱས་ཆོས་ཀྱི་སྐུ།། བདེ་ཆེན་ཐུགས་ལ
178a6 གསལ་བའི་དམ་ཚིག་སྟེ།། ཡན་ལག་དམ་ཚིག་ཉམས་ཀྱང་བསྒྲིབ་མི་ནུས།། རྒྱུན་དུ་མི་གཏོང་ཏིང་འཛིན་དོན་བསྟན་ན།། མཚམས་མེད་ལ་སོགས་བྱས་ཀྱང་ཆོས་ཀྱི་སྐུ།། འགྱོད་པ་དྲག་པོ་ཡིད་བྱས་བལྟ་བ་ནི།། མི
iiif viewer powered by OpenSeadragon
