| e-texts navigator |
| Wylie |
176b1 གཞི་ཆ་ཆོས་སྐུའི་ངོ་བོ་ཉིད།། བཅོས་སུ་མེད་ལ་རང་སེམས་ནམ་མཁའ་འདྲ།། སྒོ་ལྔ་ཡུལ་ཉིད་འཁྲུལ་ཕྱིར་འབྲེལ་པ་ཆོད།། ཡིད་ལ་བལྟ་བ་བསྟན་པས་ཉོན་མོངས་གྲོལ།། དེ་ཕྱིར་བཀའ་དོན་ཤིན་ཏུ་གཅེས་པར
176b2 གསུངས། རྫོགས་པ་ཆེན་པོ་བལྟ་བ་ཡེ་ཤེས་གཏིང་རྫོགས་ཀྱི་རྒྱལ་པོའི་རྒྱུད་ལས། ཐེ་ཚོམ་གྱི་གེགས་བསལ་བའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་འདུས་པའི་ཚོགས་ལ་བཀའ་སྩལ་པ།། བློ་དངོས
176b3 གཞི་ལ་གཉིས་མེད་རབ་རྟོགས་ན།། མིང་གི་ཐ་སྙད་རྣམ་གྲངས་འཛིན་མེད་ཕྱིར།། ཡུལ་ལ་མི་ཞེན་མ་རིག་རང་སར་གྲོལ།། བཙལ་མེད་བསམ་གཏན་ཉམས་སུ་མྱོང་བའི་རྟགས།། ཕན་གནོད་ཇི་ལྟ་བུ་དང་ཕྲད་གྱུར
176b4 ནས།། བྱམས་སྡང་གཉིས་ཀྱི་སེམས་ནི་སྐྱེས་པའི་ཚེ།། མཉམ་ཉིད་རིག་པས་གསལ་ཐེབས་རྣལ་འབྱོར་དེ།། བློ་དངོས་གཉིས་མེད་ཉམས་སུ་མྱོང་བའི་རྟགས།། དེ་ཡང་སེམས་དཔའ་རྡོ་རྗེ་ད་ཉོན་ཅིག། ཀུན་ཏུ་བཟང
176b5 པོ་འོད་དང་བཅས་ནས་ནི།། དབང་པོར་མངོན་སུམ་བྱོན་ནས་ཆོས་བསྟན་ཀྱང་།། བཟང་པོ་ཡིན་པའི་སེམས་ཀྱིས་དང་རྒྱུ་དང་།། གཤིན་རྗེའི་འཇིགས་པ་བྱུང་ཡང་ཉམ་མི་ང་།། གཉིས་པ་འཁྲུལ་པར་རྟོགས་ཕྱིར་སྤང
176b6 ལེན་མེད།། ལྟ་བ་གདེང་ལྡན་ཉམས་མྱོང་ཡིན་པའི་རྟགས།། ཐེག་པའི་བྱེ་བྲག་ཆོས་རྣམས་ཅི་གསུངས་ཀྱང་།། དོན་ལ་བཟང་ངན་མེད་རྟོགས་ཕྱིར་ན་སྒྲོ་སྐུར་བྲལ།། ཆོས་ལ་བཟོད་པ་ཐོབ་པའི་ཉམས་མྱོང
iiif viewer powered by OpenSeadragon
