| e-texts navigator |
| Wylie |
175a1 གེགས་ནི་བསལ་ཐབས་བཀའ་སྩལ་པ།། འཁོར་འདས་སྤྱི་ཡི་མཚན་ཉིད་སེམས་ཡིན་ཏེ།། རྟོགས་ན་ཀུན་ཀྱང་ཡིན་ཕྱིར་མ་རྟོགས་མིན།། ཨ་ཏི་ཐེག་ཆེན་སྙིང་པོ་རྫོགས་པའི་ཕྱིར།། ཡོད་མེད་གང་ངེས
175a2 རྟག་ཆད་སྐྱོན་ཡིན་ཕྱིར།། མ་ངེས་རྒྱུ་འབྲས་ལོག་པའི་ཁ་རྗེ་ཁ།། སངས་རྒྱས་འབྲས་བུ་མ་ཐོབ་སྙིང་རྗེའི་གནས།། དེ་ཡང་འདུས་པའི་འཁོར་ཚོགས་ཡིད་ཀྱིས་ཉོན།། འཇིག་རྟེན་པ་དང་འདས་པའི་ཆོས་རྣམས
175a3 ཀུན།། གཉིས་ཀའི་གཞི་ནི་ངོ་བོ་ཆོས་སྐུར་ངེས།། ཡུལ་གྱི་སྣང་བ་མ་ངེས་སྣ་ཚོགས་པ།། བླང་དོར་མེད་ཕྱིར་ཆོས་རྣམས་ལྷན་གྱིས་གྲུབ།། འདུས་པའི་སྙིང་པོའི་གཙོ་བོས་དོན་གསོལ་པ།། ཡུལ་ཉིད་སེམས་ལས
175a4 སེམས་ཉིད་ཡུལ་ཡིན་ན།། ཡུལ་ཉིད་ཡིན་ཕྱིར་ཡུལ་ལ་སྡུག་བསྔལ་རིགས།། སེམས་ཉིད་ཡུལ་ན་རང་རིག་བེམས་པོར་ཐལ།། སྤང་སྡུད་མི་ཤེས་ཞེན་པ་སྐྱེ་བའི་བློ།། དེ་ཕྱིར་རྫོགས་ཆེན་ཆོས་སྐུ་བླ་མེད་གང་།། དེ
175a5 ཡང་འཁོར་གྱི་སྙིང་པོ་ཡིད་ཀྱིས་ཉོན།། ཡུལ་ཉིད་སྤང་སྡུད་ཞེན་པ་རྣམས་ཀྱི་སྐྱོན།། བླང་དོར་མེད་ཅིང་གཉེན་པོས་བཙལ་མི་དགོས།། དེ་ཙམ་ཉིད་ན་བསམ་གཏན་མཆོག་གི་ལམ།། དེ་ལ་གཉེན་པོ་མེད་ཕྱིར་བླ་མེད
175a6 ཆོས་ཀྱི་སྐུ།། དེ་ཡང་འདུས་པའི་འཁོར་རྣམས་ད་ཉོན་ཅིག། བསྒོམ་དུ་ཡོད་མེད་སྒྲོ་སྐུར་མཐར་ལྷུང་ཕྱིར།། བསྒོམ་པའི་ཞི་གནས་མཐའ་ལ་ཞེན་པ་སྟེ།། མ་རྟོགས་བསྒོམ་མེད་དོན་གྱི་གདེང་དང་བྲལ།། དེ་ཕྱིར་མཐའ
iiif viewer powered by OpenSeadragon
