| e-texts navigator |
| Wylie |
174b1 ལས་སངས་རྒྱས་རྙེད་མི་སྲིད།། བསོད་ནམས་ཚོགས་ཀྱིས་གཟུགས་སྐུ་འབྱུང་བ་མེད།། རིམ་དགུ་སྟོན་པ་སངས་རྒྱས་གཟུགས་ཀྱི་སྐུ།། མོས་པ་སོ་སོར་འདུལ་ཕྱིར་སྣང་མོད་ཀྱང་།། བརྒྱུད་ནས་ཆོས་སྐུ་རྟོགས
174b2 པའི་ཐབས་སུ་བསྟན།། སྨོན་ལམ་དབང་གིས་འགྲོ་བའི་དོན་བྱེད་པ།། འོག་མའི་བློས་བཞག་སངས་རྒྱས་ཆོས་སྐུ་མིན།། དེ་ཕྱིར་རང་སེམས་མ་རྟོགས་དགེ་བ་ཡིས།། རྒྱུ་མེད་འབྲས་བུ་མི་འབྱུང་དཔེ་བཞིན
174b3 དུ།། བསྐལ་པ་སྟོང་དུ་ཚོགས་ནི་བསགས་བྱས་ཀྱང་།། འབྲས་བུ་གཟུགས་སྐུའི་སངས་རྒྱས་འབྱུང་མི་འགྱུར།། དེ་ཡང་འདུས་པའི་དད་ལྡན་འཁོར་རྣམས་ཉོན།། གསེར་སྦྲུལ་མིག་གིས་འདོད་པའི་ཡོན་ཏན་ལྔ།། དུས
174b4 གཅིག་ཉམས་མྱོང་དཔེ་བཞིན་རྣལ་འབྱོར་པས།། ངོ་བོ་ཉིད་ཀྱི་སྐུ་རྟོགས་ཆོས་ཀྱི་སྐུ།། དེ་ལ་རིག་པས་ལོངས་སྤྱོད་རྫོགས་པའི་སྐུ།། སྣ་ཚོགས་ཉིད་ན་གསལ་ཐབས་སྤྲུལ་པའི་སྐུ།། ལས་མེད་རྟོག་པར་དཀའ་ཕྱིར
174b5 གསང་བའི་སྒྲ།། བློ་དངོས་གཅིག་ཕྱིར་མངོན་པར་བྱང་ཆུབ་སྟེ།། དེ་རྣམས་གཅིག་གི་ཡོན་ཏན་ལྔ་འབྱུང་བས།། སངས་རྒྱས་འགྲོ་དོན་བཙལ་མི་དགོས་པའི་ཕྱིར།། སེམས་ཅན་རྣམས་ལ་རང་སེམས་ཆོས་ཀྱི
174b6 སྐུ།། རྫོགས་པ་ཆེན་པོ་ཡེ་ཤེས་གཏིང་རྫོགས་ཀྱི་རྒྱུད་ལས། ཆོས་སྐུ་རྟོགས་ན་གཟུགས་སྐུ་འབྱུང་བར་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་ཀུན་རིག་སྟོན་པས་འདུས་པའི་འཁོར་རྣམས་ལ།། ཐེ་ཚོམ
iiif viewer powered by OpenSeadragon
