| e-texts navigator |
| Wylie |
174a1 བའི་ཡོན་ཏན་འབྱུང་མི་སྲིད།། དེ་ཡང་སེམས་དཔའ་རྡོ་རྗེ་ཉོན།། རང་དོན་གྲུབ་པ་ཐོབ་པ་རྣམས་ཀྱང་ནི།། ཐབས་ཀྱིས་སྦྱོར་བ་ཡིན་ཕྱིར་ལུས་ཀྱིས་བསྒྲིབས།། དཔེར་ན་མེ་ཡོད་དུ་བ་འབྱུང
174a2 བ་བཞིན།། རང་སེམས་མ་བཅོས་དེ་དག་གསལ་གྱུར་ན།། ཆེ་བའི་ཡོན་ཏན་མ་ལུས་ཤུགས་ཀྱིས་བྱུང་།། སངས་རྒྱས་ཉིད་ཀྱང་རྩ་མཆོག་གྲོང་ཁྱེར་དུ།། རང་ལུས་འབོར་ཕྱིར་སེམས་ཅན་སྨོས་ཅི་དགོས།། དེ་ཕྱིར
174a3 བཅོམ་ལྡན་འདས་ཀྱང་རྡོ་རྗེའི་གདན་ཐོག་ཏུ།། ཡང་སངས་རྒྱས་པས་མཚན་དང་དཔེ་བྱད་ལྡན།། ཆེ་བའི་ཡོན་ཏན་མ་ལུས་ལྷུན་གྱིས་རྫོགས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། དུས
174a4 འདིར་སངས་རྒྱས་ཀྱི་ཡོན་ཏན་མི་འབྱུང་བར་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་ཡང་འདུས་པའི་འཁོར་ལ་བཀའ་སྩལ་པ།། རང་སེམས་ངོ་བོ་ཉིད་དུ་གསལ་གྱུར་ན།། ཡེ་ཤེས་ཚོགས་ཆེན་རྫོགས
174a5 པས་ཆོས་ཀྱི་སྐུ།། དཔེར་ན་རྒྱ་མཚོ་རྙོག་མེད་དངས་གྱུར་ན།། ནམ་མཁའི་གཟུགས་བརྙན་འབྱུང་བ་མི་འགག་བཞིན།། ཆོས་ཉིད་ངང་ལས་ལོངས་སྤྱོད་རིག་པའི་རྒྱུན།། དེ་ཡི་སྤྲུལ་པ་སྣ་ཚོགས་སྤྲུལ་པའི་སྐུ།། དེ་ཡང
174a6 སེམས་དཔའ་རྡོ་རྗེ་ཡིད་ཀྱིས་ཉོན།། ཆུ་ཉིད་ཚགས་ཀྱིས་བཙགས་ཀྱང་གཟུགས་བརྙན་མེད།། མེད་བཞིན་སེམས་ཀྱི་ངོ་བོ་ཉིད་ལ་ནི།། ཀུན་བཟང་སངས་རྒྱས་ཉིད་ཀྱིས་གཟུགས་བཙལ་ཀྱང་།། འདོད་པས་ལུས
iiif viewer powered by OpenSeadragon
