| e-texts navigator |
| Wylie |
173b1 པས།། མཐོ་ལ་ཕྲག་དོག་མཉམ་ལ་སྨད་གྱུར་ཀྱང་།། མི་ལེན་མི་སྡང་མཉམ་པ་ཆེན་པོ་སྟེ།། མ་ཀི་ཏ་ཡིས་ཐམས་ཅད་སྨན་དུ་འགྱུར་བ་བཞིན།། དོན་དྲན་མ་ནོར་མན་ངག་གདེང་གིས་འཕངས།། བླ་མའི་བཀའ་ནོད
173b2 ཡེ་ཤེས་རྣལ་འབྱོར་ལ།། དུག་ལྔ་མ་སྤངས་རང་གྲོལ་ཡེ་ཤེས་ཐུགས། རྫོགས་པ་ཆེན་པོ་བལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། ཉོན་མོངས་མ་སྤངས་རང་གྲོལ་དུ་བསྟན་པའི་ལེའུ་སྟེ་བཅོ་བརྒྱད
173b3 པའོ།། །། དེ་ནས་ཡང་འདུས་པའི་འཁོར་ལ་བཀའ་སྩལ་པ།། སངས་རྒྱས་ཡོན་ཏན་མཚན་དང་དཔེ་བྱད་དེ།། སྟོབས་དང་མི་འཇིགས་ཆོས་ནི་བཅོ་བརྒྱད་དང་།། དུས་ནི་ད་ལྟ་འབྱུང་བ་ལུས་ཀྱིས
173b4 བསྒྲིབས།། དཔེར་ན་ཁྱུང་ཆེན་སྒོ་ངའི་ནང་ན་གཤོག་རྒྱས་ཀྱང་།། སྒོ་ང་མ་ཆག་འཕུར་མི་ནུས་པ་བཞིན།། རང་སེམས་ཆོས་སྐུར་རྟོགས་པའི་རྣལ་འབྱོར་ཀྱང་།། ལུས་འདིར་ཆེ་བའི་ཡོན་ཏན་མི་འབྱུང་ཕྱིར།། ཐུན་མོང
173b5 སྨན་གྱི་སྦྱོར་བའི་ཐབས་ཀྱིས་ནི།། རྩི་སྦྱོར་སྨན་དང་རིལ་བུ་བཅུད་ལེན་གྱིས།། རང་ལུས་འདི་ཉིད་གསོས་གྱུར་ལུས་རྒྱས་ཚེ།། དུག་དང་མཚོན་སོགས་མི་ཚུགས་གྲུབ་གྱུར་ནས།། མཁའ་ལ་བྱ་བཞིན་འཕུར་བ་བྱུང
173b6 ནས་ནི།། སེམས་ཀྱི་མངོན་ཤེས་རྨི་ལམ་མངོན་གྱུར་ཏེ།། ལུས་འདི་ཡུལ་ཡིན་ཕྱིར་ན་སེམས་མིན་པས།། གནས་སྐབས་འབྲེལ་པ་ཡོད་ཕྱིར་རྟགས་བྱུང་ཡང་།། ཤ་ཁྲག་ལུས་འདི་མ་བོར་བར་དུ་ནི།། སངས་རྒྱས་ཆེ།
iiif viewer powered by OpenSeadragon
