| e-texts navigator |
| Wylie |
173a1 པའི་དབང་གིས་ཞེ་སྡང་ན།། ཁ་དོག་ཡུལ་ལ་མནར་སེམས་བྱེད་པའི་ཕྱིར།། བ་མོ་ལ་ནི་ཉི་མ་ཤར་བ་བཞིན།། ཕྱི་འབྲེལ་བཅད་པའི་མན་ངག་དྲན་པར་བྱ།། དེ་ཡང་དད་ལྡན་འཁོར་རྣམས་ཡིད་ཀྱིས
173a2 ཉོན།། འདོད་ཆགས་སྐྱེ་བའི་ཡུལ་ནི་སྒོ་ལྔ་འབྱུང་བའི་སེམས།། ཕྱི་རོལ་ཟང་ཟིང་ནོར་ལ་བརྐམ་ཆགས་ནས།། བུང་བས་མེ་ཏོག་གཞིབས་ནས་མི་ཞེན་ལྟར།། ཆགས་པ་ཉིད་ནས་ཞེན་མེད་རང་གི་སེམས།། སེམས
173a3 ལ་བྱེད་པ་མེད་ཕྱིར་སེམས་ཉིད་དོན་དུ་ཤེས།། སེམས་ཅན་ཕོ་མོ་ལས་ཀྱི་ཆགས་པ་ཡང་།། རང་སེམས་ཆོས་ཉིད་རྟོགས་པའི་རྣལ་འབྱོར་པས།། མི་སྡུག་གཉེན་པོ་བསྒོམ་པ་མི་དགོས་པར།། ཡུལ་ལ་ཕོ་མོ་ཡོད་ཕྱིར
173a4 ཆགས་པ་སྤྱོད་གྱུར་ཀྱང་།། སེམས་ལ་ཕོ་མོ་མེད་པས་ཉེས་པ་མེད།། དེ་ཉིད་དུས་ནས་རིག་པས་གསལ་ཐེབས་པས།། དུས་གསུམ་ཕོ་མོར་སྦྱར་ཀྱང་ཉམས་པ་མེད།། དེ་ཡང་འདུས་པའི་དད་ལྡན་ཡིད་ཀྱིས་ཉོན།།
173a5 རྒྱལ་ཆེན་པོ་རང་སེམས་རྟོགས་པར་འཆར།། དེ་ཕྱིར་ཁམས་ཀྱི་རབ་ཏུ་བྱེད་པ་ཡིན།། གཉེན་པོ་མི་དགོས་རང་གྲོལ་བྱང་ཆུབ་སེམས།། དཔེར་ན་སྒྱུ་མ་མཁན་གྱི་སྤྲུལ་པ་ཡང་།། སེམས་ཅན་ཡིན་ཞེས་མཁས་པས་སྒྲོ།
173a6 མི་འདོགས།། དེ་བཞིན་བློ་དངོས་གཅིག་པར་རྟོགས་པ་ཡིས།། བསྒོམ་དུ་ཡོད་སོགས་པར་ནི་ང་རྒྱལ་མེད།། འདུས་པའི་སྙིང་པོ་འཁོར་རྣམས་ད་ཉོན་ཅིག། བལྟ་བ་ནམ་མཁའ་ལྟ་བུར་འཕང་ཆོད་རྣལ་འབྱོར
iiif viewer powered by OpenSeadragon
