| e-texts navigator |
| Wylie |
172b1 འཁྱམས་ཀྱང་སྒྲིབ་པས་གོས་པ་མེད།། རིན་ཆེན་མེ་འོད་ནམ་མཁའ་འཐོན་པའི་ཚེ།། རྒྱ་མཚོ་ཉིད་ཀྱང་བདུད་རྩིར་གྱུར་པ་བཞིན།། རང་གིས་བྱང་ཆུབ་སེམས་ཉིད་རྟོགས་ཙམ་ན།། དུག་ལྔ་ཉིད་ཀྱང་ཡེ་ཤེས་ཆེན་པོར
172b2 འཆར། རྫོགས་པའི་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། ཡེ་ཤེས་ཀྱི་དོན་ལ་བཟླའ་བའི་ལེའུ་སྟེ་བཅུ་བདུན་པའོ།། །། དེ་ནས་གསང་བའི་བདག་པོ་རྡོ་རྗེ་སེམས་དཔའ་ཡིས།། འདུས་པའི་ཚོགས
172b3 ལ་ངེས་དོན་ཕན་གདགས་ཕྱིར།། སྟོན་པ་ཀུན་རིག་སེམས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། དུག་ལྔ་མ་སྤངས་རང་གྲོལ་ཇི་ལྟར་བྱུང་།། ཆེ་བའི་ཡོན་ཏན་མི་འབྱུང་གང་གིས
172b4 བསྒྲིབས།། ཚོགས་མ་བསགས་པའི་གཟུགས་སྐུ་གང་ལས་འབྱུང་།། གོང་འོག་ཐེ་ཚོམ་གེགས་ནི་གང་ལྟར་གཅད།། ཐེ་ཚོམ་ཆོད་པའི་ཉམས་མྱོང་རྟགས་ནི་གང་།། མཉམ་པའི་རྒྱལ་པོས་ཐུགས་ཀྱིས་བསྟན་དུ
172b5 གསོལ།། དེ་སྐད་གསོལ་བའི་དོན་གསན་ཐུགས་ཀྱིས་བཀའ་སྩལ་པ།། དུག་ལྔ་མ་སྤངས་རང་གྲོལ་ཡེ་ཤེས་ནི།། རིན་ཆེན་འོད་ཀྱིས་མུན་པ་མེད་པ་ལྟར།། འཁོར་བ་ཐོག་མ་རྩད་ཆོད་དོན་གྱི་ཕྱིར།། ངོ་བོ་ཉིད་ཀྱི་སྐུ
172b6 ནི་རང་རྟོགས་པས།། གདོད་ནས་མ་རིག་དག་པས་གཏི་མུག་བྲལ།། དེ་ཡང་འདུས་པའི་རྡོ་རྗེ་སེམས་དཔའ་ཉོན།། མ་རིག་མེད་ཕྱིར་ཞེ་སྡང་ཡུལ་མི་དམིགས།། དེ་ཕྱིར་རང་སེམས་སྙིང་པོ་ཆོས་སྐུ་ལ།། སྔ་ཕྱི་ཞེན
iiif viewer powered by OpenSeadragon
