| e-texts navigator |
| Wylie |
172a1 བགྲོད་ཡེ་ཤེས་ས་ཡི་མཆོག། ཅིར་ཡང་དམིགས་སུ་མེད་པས་རང་སེམས་ཡེ་ཤེས་སྐུ།། གཞན་ལ་སྨོན་དུ་མེད་པས་རང་ལ་རྫོགས།། ཆོས་སྐུ་འདི་ཞེས་གཞན་ནས་མི་རྙེད་པས།། རྟོགས་པར་འདོད་ན
172a2 རང་གི་སེམས་ལ་ཚོལ།། སེམས་ལ་དོན་རྙེད་རྟོགས་པའི་རྣལ་འབྱོར་པ།། འཁྲུལ་པ་མེད་ཕྱིར་སེམས་ཅན་འཁོར་བ་མེད།། རང་སེམས་རྟོགས་པའི་དོན་ལས་མ་གཏོགས་པ།། བདེ་ཞིང་སྐྱིད་པའི་སངས་རྒྱས་ལོགས
172a3 ན་མེད།། དེ་ཕྱིར་རྒྱུ་ལ་མི་རྟོག་འབྲས་བུ་མེད།། མེད་ལ་རྩོལ་བ་རྒྱ་མཚོའི་ཆུ་བོར་ནས།། སྨིག་རྒྱུ་རི་དྭགས་ཆུར་མཐོང་བསྙེག་པ་བཞིན།། བསྒོམ་མེད་དོན་ཉིད་བོར་ནས་སུས་བསྒོམ་པ།། བྱང་ཆུབ་མེད་པར་རང་གི
172a4 སྡུག་བསྔལ་བསྣོན།། དེ་ཡང་སེམས་དཔའ་རྡོ་རྗེ་ཡིད་ཀྱིས་ཉོན།། ཡེ་ཤེས་དེ་ཉིད་རྟོགས་པའི་རྣལ་འབྱོར་པ།། ཡེ་ཤེས་བཅུད་ཉིད་ཆོས་ཀྱི་གཏེར་དུ་སྨིན།། ནམ་མཁའི་གོ་ཡངས་འབྱུང་བའི་ལམ་དུ་བདེ།། རྟོགས
172a5 པའི་གོ་ཡངས་སངས་རྒྱས་ལམ་དུ་བདེ།། སེམས་ཉིད་གོ་ཡངས་བསྒོམ་མེད་ལམ་དུ་བདེ།། དུས་གསུམ་འགྱུར་མེད་རང་རིག་ལྟ་བའི་དབྱིངས།། འདོད་དགུ་རང་ལ་ཡོན་ཏན་ཚང་བའི་ཕྱིར།། རྒྱུ་འབྲས་རང་ལ་རག་མ
172a6 ལུས་པས་ཟབ།། དཔེར་ན་མ་དྲོས་མཚོ་དཀྱིལ་མེ་འབར་བ།། ནམ་མཁའི་དཀྱིལ་ནས་བབས་པའི་ཆུ་ཡིས་ནི།། བསྐལ་པར་དེ་ལ་གནོད་པ་མི་ནུས་བཞིན།། རང་སེམས་ཆོས་ཉིད་རང་བྱུང་ཡེ་ཤེས་ལ།། འཁོར་བར
iiif viewer powered by OpenSeadragon
