| e-texts navigator |
| Wylie |
171b1 གིས།། མི་དམིགས་དོན་ལ་གཟའ་གཏད་བྱས་ནས་བསྒོམ།། རྩོལ་བས་བསྒོམས་ཀྱང་ཡུལ་ལ་འགྱུར་མེད་ཕྱིར།། མི་རྟོག་འདོད་ཕྱིར་མངོན་པར་དོན་དང་བྲལ།། རྟོག་པ་བཟང་ངན་ཅི་སྐྱེས་སེམས་ཉིད་དུ།། དགག།
171b2 རྒྱུ་མེད་པ་ཙམ་དུ་བློས་བཟུང་ནས།། གསལ་བདེ་མི་དམིགས་ཆེད་དུ་བསྒོམས་པས་ནོར།། ཡུལ་ལ་གཏན་ཚིགས་གཞིག་པས་སྨོས་ཅི་དགོས།། དེ་ཡང་འདུས་པའི་སྙིང་པོ་ཡིད་ཀྱིས་ཉོན།། གྲིབ་མ་གཟུགས་སུ་བསྒྱུར
171b3 བ་ཇི་བཞིན་དུ།། ལྷ་དང་རྩ་བའི་ཐིག་ལེ་ཐབས་བསྒོམས་རྣམས།། མཚན་མ་ཡུལ་ལ་དམིགས་ཕྱིར་སྒོམ་པ་པོས།། དེ་ཉིད་སེམས་སུ་བློས་བྱས་ཕྱིར་ན་གོལ།། རྐྱེན་མ་ཐུབ་ཕྱིར་གནས་ལུགས་ཆོས་སྐུ་མིན།། དེ
171b4 ཕྱིར་བསྒོམས་ན་འཁོར་བའི་ནད་ཆེན་ཡིན། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། བསྒོམས་ན་གོལ་སར་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་ཀུན་རིག་སྟོན་པ་ཀུན་བཟང
171b5 གིས།། འདུས་པའི་འཁོར་ལ་བཀའ་སྩལ་པ།། དགའ་དང་གུས་པའི་སེམས་ཀྱིས་རྩེ་གཅིག་ཉོན།། ལ་བཟླའ་བ་ཡི་ཡེ་ཤེས་དོན་ཆེན་ནི།། ཀུན་གཞི་གཞི་ཆ་མཁའ་ལ་ཉི་ཤར་བཞིན།། ཐམས་ཅད་ཀུན་འདུས་ཡེ་ཤེས
171b6 རང་སྣང་གསལ།། ཡེ་ནས་བཙལ་མེད་འབྲས་བུ་མངོན་སངས་རྒྱས།། རྒྱལ་བ་ཀུན་གྱི་ཡང་མེས་ཆེན་པོ་སྟེ།། གོལ་མེད་གདོད་ནས་དག་པ་ཆོས་ཀྱི་སྐུ།། རང་བྱུང་འགག་པ་མེད་པས་ཡེ་ཤེས་ཀློང་།། ལམ་ལྔ་མ
iiif viewer powered by OpenSeadragon
