| e-texts navigator |
| Wylie |
16b1 མེད།། སྤྲོས་པ་ཉེ་བར་ཞི་བའོ།། དམ་པའི་དོན་ལ་དངོས་མེད་དེ།། མིག་དང་རྣ་བ་སྣ་དང་ལྕེ།། ལུས་དང་ཡིད་ལ་སོགས་པ་ཡི།། དབང་པོ་རྣམས་ཀྱིས་མཐོང་མིན་ཏེ།། མཐོང་བ་བློ་ཡིས་བསླད་པ་ཡིན།། ཡང་དག་མ
16b2 རྟོགས་འཁོར་བ་དང་།། མྱ་ངན་འདས་པར་རློམས་སེམས་ཡོད།། ཡང་དག་རྟོགས་ན་འཁོར་བ་དང་།། མྱ་ངན་འདས་པ་རློམ་སེམས་མེད།། དེ་བཞིན་ཉིད་ལ་གནས་བཅས་ན།། གཡོ་དང་མི་གཡོ་རྣམ་པར
16b3 དག། གཟུང་དང་འཛིན་པ་རྣམ་དག་ནས།། ཕྲ་རྒྱས་འགགས་ཤིང་སྐྱེ་བ་མེད།། བརྗོད་མེད་རྣམ་པར་མི་རྟོག་པ།། ཡི་གེ་མེད་པའི་གསུང་མཆོག་སྟེ།། སྒྲ་ཡིག་རྣམ་པར་སྤངས་ནས་ནི།། སེམས་ཀྱི་རྒྱུ་བའང་བཀག
16b4 པའོ།། དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། རང་བཞིན་གནས་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི
16b5 བདག་པོས། འཁོར་རྣམས་ཀྱིས་གོང་དུ་གསོལ་བ་བཏབ་པ་མཁྱེན་ནས་ཡང་ཆེད་དུ་བརྗོད་པ་འདི་བརྗོད་དོ།། རང་བཞིན་གནས་པའི་ཆོས་ཉིད་ནི།། ཞི་བ་བླང་དོར་མེད་པ་སྟེ།། བརྟག་པར་དཀའ་ལ་བསྟན་པར
16b6 དཀའ།། བརྗོད་པའི་ཐ་སྙད་རྣམས་དང་བྲལ།། རྡོ་རྗེའི་སྐུ་དེ་འདུས་མ་བྱས།། སྐྱེ་ཤི་མེད་པའི་གཡུང་དྲུང་སྐུ།། དུས་གསུམ་འདུས་མ་བྱས་པ་སྟེ།། རྟག་པ་ཆེན་པོ་ཀུན་ཏུ་འོད།། འདི་ཞེས་བསྟན་ཞིང་མཚོན་དུ
iiif viewer powered by OpenSeadragon
