| e-texts navigator |
| Wylie |
169b1 མཚོན་དུ་མེད།། མཚོན་ཅིང་བསྟན་པར་དཀའ་བའི་རང་སེམས་དེ།། ཡོད་མེད་ཀུན་ལས་འདས་པས་བྱང་ཆུབ་སེམས།། དངོས་མེད་ཡིད་ལ་དྲན་པའི་ཡེ་ཤེས་ནི།། ཀུན་བཟང་ཉིད་ཀྱིས་མ་གཟིགས་བལྟ་བའི
169b2 མཆོག། གཟུང་འཛིན་མཐུ་བརྟས་རྣམ་སྨིན་ལུས་འདི་ལ།། དབང་པོའི་ཡུལ་རྣམས་མིང་དུ་རྗོད་བྱེད་དེ།། དོན་ལ་ཕན་པ་རྡུལ་ཙམ་མཚོན་མི་ནུས།། དཔེར་ན་བུམ་པ་ནང་གི་ནམ་མཁའ་ལ།། དངོས་མེད་བརྗོད་མེད
169b3 ནམ་མཁའ་ཆེན་པོ་མིན།། དེ་བཞིན་ཚེ་གཅིག་མི་རྟོག་དོན་བསྒོམས་ཀྱང་།། ཡེ་ཤེས་རང་ཤར་ཆེན་པོའི་བལྟ་བ་མིན།། བུམ་ཆག་ནམ་མཁའ་ཆེན་པོར་ཐིམ་པ་བཞིན།། ལུས་བྲལ་རང་སེམས་ངོ་བོ་ཉིད་ཀྱི་སྐུ།། དེ
169b4 ཉིད་རིག་པས་གསལ་བཏབ་བདེ་བའི་ཀློང་།། དེ་ཙམ་ཉིད་ན་ཀུན་ཏུ་བཟང་པོས་ཀྱང་།། ངོ་བོ་ཉིད་ཀྱི་སྐུ་ལ་མཚོན་དུ་མེད། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། ཡེ་ཤེས་ཀྱི་དོན་ལ་མཚོན་དུ
169b5 མེད་པར་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་དད་པས་འདུས་པའི་འཁོར་རྣམས་ལ།། ཀུན་རིག་སྟོན་པ་ཆོས་རྗེས་བཀའ་སྩལ་པ།། སངས་རྒྱས་རྣམས་ཀྱི་དགོངས་པ་ཇི་ལྟ་བུ།། རང་གི་མཚན་ཉིད
169b6 མ་བཅོས་དེ་བཞིན་ཉིད།། ཆོས་སྐུ་སྐྱེ་མེད་རྟོགས་ནས་འགྲོ་དོན་དུ།། ཇི་ལྟར་སྣང་བའི་གཟུགས་ཅན་སྤྲུལ་པའི་སྐུ།། མཛད་པ་བཅུ་གཉིས་འགྲོ་དོན་མཐར་ཕྱིན་པ།། ཐུགས་རྗེ་སྤྲུལ་པས་འགྲོ་བ་ཀུན་འདུལ
iiif viewer powered by OpenSeadragon
