| e-texts navigator |
| Wylie |
169a1 སེམས་མ་སྐྱེས་ཡེ་ཤེས་ཕྱིར།། རྣལ་འབྱོར་ཆེད་དུ་བསྒོམ་པ་བསྟན་མི་དགོས།། སེམས་དཔའ་འདུས་པའི་སྙིང་པོ་དེ་ཉོན་ཅིག། ཡུལ་གྱི་སྣང་བ་སྤྱོད་ཡུལ་མ་གྲུབ་ཕྱིར།། ནམ་མཁའ་ལྟ་བུར་ཡེ་ཤེས་རང
169a2 གསལ་བས།། རང་སེམས་ཆོས་སྐུ་ངང་གིས་དེ་རྟོགས་པས།། རྣལ་འབྱོར་ཅི་ཡང་ཡིད་ལ་མི་བསྒོམ་ན།། ཡང་དག་ལྟ་བའི་དོན་དང་མཐུན་པར་འགྲུབ།། སེམས་དཔའ་རྡོ་རྗེ་སྙིང་པོ་ད་ཉོན་ཅིག། རྫོགས་ཆེན་གོ་ལ་ས
169a3 གཅད་ཕྱིར་བསྒོམ་མེད་དེ།། ཡེ་ཤེས་བསྒོམ་མེད་དག་ཏུ་རབ་རྟོགས་ན།། བསྒོམས་ཀྱང་སྐྱོན་མེད་ཆོས་དབྱིངས་ནམ་མཁའ་འདྲ།། བསྒོམ་མེད་དེ་ནི་ཀུན་གྱི་རེ་བ་སྐོངས།། ཀུན་ལ་ཁྱབ་ཅིང་མ་རྫོགས་མེད་མོད
169a4 ཀྱི།། ཀུན་གྱིས་གདམས་ངག་མ་འཕྲོད་རྟོགས་པར་དཀའ། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། མ་བསྒོམས་འབྲལ་བ་མེད་པའི་ལེའུ་སྟེ་བཅུ་གཅིག་པའོ།། །། དེ་ནས་ཀུན་རིག་རྒྱལ་པོ
169a5 ཆོས་རྗེས་བཀའ་སྩལ་པ།། འདུས་པའི་ཚོགས་རྣམས་ཡིད་ཀྱིས་ད་ཉོན་ཅིག། རང་སེམས་ངོ་བོ་ཉིད་ཀྱི་ཆོས་སྒྲ་ནི།། དབང་པོ་མངོན་སུམ་མི་གནས་ཀུན་ལ་ཁྱབ།། ཆོས་སྒྲ་ཚིག་ཏུ་འདི་ཞེས་བསྟན་པར་ནི།། རྡོ་རྗེ
169a6 སེམས་དཔས་ཀྱང་ནི་མཚོན་དུ་མེད།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། འཁོར་འདས་ཚིག་ལས་འདས་པའི་ཡེ་ཤེས་ཏེ།། དབྱིབས་དང་ཁ་དོག་དབང་པོའི་སྤྱོད་ཡུལ་དུ།། སངས་རྒྱས་ཉིད་ཀྱིས་བསྟན་ཅིང
iiif viewer powered by OpenSeadragon
