| e-texts navigator |
| Wylie |
168b1 བསྒོམས་འབྲལ་མེད་དོན་ནི་ཇི་ལྟར་འགྲུབ།། ཡེ་ཤེས་དོན་ནི་མཚོན་དུ་ཇི་ལྟར་མེད།། སྤྱོད་པ་འཆིང་གྲོལ་མེད་པའི་དོན་ནི་གང་།། ས་ལ་སྦྱང་དུ་མེད་པའི་དོན་ནི་ཅི།། རྟོགས་ནས་དམ་ཚིག་བསྲུང་ཉམས་ཇི་ལྟར
168b2 མེད།། བསྒོམས་ན་གོལ་སའི་སྐྱོན་ནི་ཇི་ལྟར་ལགས།། ལ་བཟླའི་དོན་གྱི་ཡེ་ཤེས་གང་ལ་བགྱི།། དེ་སྐད་གསོལ་བའི་ཡིད་ཀྱི་དོན་གསན་ནས།། ཀུན་རིག་སྟོན་པ་ཆོས་རྗེས་བཀའ་སྩལ་པ།། རང་སེམས་སྙིང་པོའི
168b3 དོན་རྟོགས་ཆོས་སྐུ་ལས།། བསྒོམ་བྱའི་ཡེ་ཤེས་ཆོས་སྐུ་གུད་ན་མེད།། སྔ་ཕྱི་སེམས་ཀྱི་ཡེ་ཤེས་མཐའ་བྲལ་བ།། མ་ནོར་སྒོམ་པ་པོ་ཡང་ག་ལ་ཡོད།། དེ་ལ་སྒོམ་མཁན་སེམས་ལ་དངོས་མེད་ན།། མི་གནས་མི་རྟོག
168b4 འཇོག་པ་རྣལ་འབྱོར་མིན།། སེམས་དཔའ་རྡོ་རྗེ་སྙིང་པོ་ད་ཉོན་ཅིག། ཨ་ཏི་རྫོགས་ཆེན་ཆོས་སྐུ་བདེན་གཉིས་བྲལ།། ངོ་བོ་ཉིད་ཀྱི་རང་ཤར་ཡེ་ཤེས་ནི།། ཡོད་མེད་དབུས་ཀྱི་ཡེ་ཤེས་མཐའ་གསུམ་བྲལ།། ཡུལ་ལ
168b5 སྤང་སྡུད་གཉིས་པོ་གདོད་ནས་མེད།། དཔེར་ན་ནམ་མཁའ་རང་དུ་ཤེས་པ་བཞིན།། ཇི་བཞིན་མ་ནོར་རང་སེམས་རྟོགས་པ་ཡིས།། ལུས་ངག་མ་སྐྱེས་རྟོག་པའི་གཞི་མེད་པས།། སྐྱིལ་ཀྲུང་དྲང་འདུག་སྒྲ་བཅད་ཁ་ན
168b6 ད། དེ་བཞིན་སེམས་དང་རྟག་ཆད་སྤྲོས་བྲལ་བས།། རྟོག་སྦྲང་མི་རྟོག་སྒོམ་པའི་ཁར་མི་འོང་།། ཡེ་ཤེས་ལྟ་བའི་ཤུགས་ལས་བྱུང་བས་ན།། རྣལ་འབྱོར་དམིགས་པའི་ཤེས་པས་མི་བསྒོམ་སྟེ།། རྟོགས་པས་རང
iiif viewer powered by OpenSeadragon
