| e-texts navigator |
| Wylie |
168a1 འདས་གཉིས་ཀ་རྩ་བ་གཅིག་པའི་ཕྱིར།། ལྷུན་གྱིས་གྲུབ་པ་དག་ཏུ་བློ་དངོས་གཅིག། འཁོར་བའི་མངལ་ཉིད་རྣལ་འབྱོར་ཐུགས་ཉིད་ཀྱང་།། ངོ་བོ་ཉིད་ལས་མ་འདས་དོན་ཡིན་ཕྱིར།། ཐ་མལ་འདི
168a2 ཉིད་ཡིན་རྟོགས་ཆོས་སྐུ་ལ།། བླང་དོར་མེད་པས་བློ་དངོས་ངོ་བོ་གཅིག། དཔེར་ན་ཆུ་ཉིད་ཆང་དུ་རྐྱེན་གྱིས་འགྱུར།། དེ་བཞིན་བར་དོའི་རང་སེམས་འདི་ཉིད་ལ།། བླ་མའི་རྐྱེན་གྱིས་རྟོགས་པས་བསྒོམ་མི
168a3 དགོས།། མི་བསྒོམ་ཕྱིར་ན་གོལ་མེད་བློ་དངོས་གཅིག། དེ་ཡང་འདུས་པའི་འཁོར་རྣམས་ཡིད་ཀྱིས་ཉོན།། ཡེ་ཤེས་རྟོགས་ནས་མཉམ་པའི་དོན་ཉིད་ལ།། རྒྱུན་དུ་མ་བརྗེད་རིག་པ་གསལ་ཐེབ་ན།། བག་ཆགས་ཉོན
168a4 མོངས་རྟོག་པའི་སྐྱོན་གྱིས་ཀྱང་།། དེ་ལ་རྡུལ་ཙམ་མི་བསྒྲིབ་ཡེ་ཤེས་གསལ།། དཔེར་ན་སྐྱེས་བུ་སྔགས་ཀྱི་གདེང་ལྡན་པས།། དུག་མ་བསལ་བས་དུག་ཉིད་སྨན་དུ་འགྱུར་བ་བཞིན།། སྔ་ཕྱིར་མ་སོང་ཆོས་སྐུ་ཡེ་ཤེས
168a5 ནི།། སྔ་ཕྱིར་མ་སྤངས་གློ་བུར་རང་སྟོང་ཕྱིར།། བློ་དངོས་དབྱེར་མེད་རྟོགས་པའི་ཚད་ཡིན་ནོ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། བློ་དངོས་གཅིག་པར་བསྟན་པའི་ལེའུ་སྟེ་བཅུ
168a6 པའོ།། །། དེ་ནས་སེམས་དཔའ་རྡོ་རྗེ་སྙིང་པོ་ཡིས།། དད་པས་འདུས་པའི་འཁོར་ལ་ཕན་གདགས་ཕྱིར།། བདེན་པའི་དོན་གྱིས་འདི་སྐད་ཡིད་ཀྱིས་གསོལ།། རང་སེམས་སྙིང་པོ་དོན་རྟོགས་ལྟ་བ་ལ།། མ
iiif viewer powered by OpenSeadragon
