| e-texts navigator |
| Wylie |
167b1 ཞེན་ལས་གྲོལ་ཕྱིར་བསྒོམ་མི་དགོས། རྫོགས་པ་ཆེན་པོའི་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། མ་བསྒོམས་ཀྱང་སྐྱེ་བོ་དང་མུ་སྟེགས་ཀྱི་གོལ་ས་མེད་པར་བསྟན་པའི་ལེའུ་སྟེ་དགུ་པའོ།། །། དེ་ནས་འདུས
167b2 པའི་སྙིང་པོ་འཁོར་རྣམས་ལ་ཀུན་རིག་སྟོན་པ་ཆོས་རྗེས་བཀའ་སྩལ་པ།། སེམས་ཅན་མ་འཁྲུལ་སངས་རྒྱས་མེད་པའི་གོང་།། ངོ་བོ་ཉིད་ཀྱི་སྐུ་ལ་རང་བྱུང་སེམས།། དེ་ཉིད་ཡེ་ནས་གནས་ལུགས་ཡིན་པའི་ཕྱིར།། དེ
167b3 རྟོགས་ཆོས་སྐུ་མྱ་ངན་འདས་པའི་ཆོས།། ཀུན་ཏུ་བཟང་པོ་རང་བྱུང་ཡེ་ཤེས་ཐུགས།། རང་སེམས་རང་གིས་རིག་པས་ཆོས་ཀྱི་རྗེ།། རང་སེམས་རང་འཁྲུལ་འགྲོ་དྲུག་སེམས་ཅན་ཏེ།། ཀུན་གཞིའི་གཞི་ཆ་ཆོས་སྐུ་ཡེ
167b4 ཤེས་ལ།། གསུམ་ལྡན་འཁོར་བའི་སྒྲིབ་པའི་ལུས་ཉིད་ཡིན།། དུས་ཚོད་བླ་མའི་གདམས་ངག་དོན་བསྟན་པ།། གཞི་ཆ་ཆོས་སྐུ་རང་བྱུང་དེ་ཉིད་དང་།། དང་པོའི་སེམས་ཉིད་ངོ་བོ་ཉིད་ཀྱི་སྐུ།། སྔ་ཕྱིས་མ་བསླད་ཆོས
167b5 སྐུར་གཅིག་པའི་ཕྱིར།། བློ་དངོས་གཅིག་པའི་དོན་ལ་བསྒོམ་མི་དགོས།། དེ་ཡང་འདུས་པའི་འཁོར་རྣམས་ཡིད་ཀྱིས་ཉོན།། སངས་རྒྱས་ཡེ་ཤེས་ཐུགས་དང་སེམས་ཅན་སེམས།། འབྲེལ་མེད་སོ་སོར་སྣང་བ་མ་ཡིན
167b6 ཏེ། བཙལ་མེད་རང་སེམས་ཆོས་སྐུར་གཅིག་པའི་ཕྱིར།། བློ་དངོས་གཅིག་པར་སེམས་ཉིད་ཡིད་ཆེས་ཡིན།། འཁོར་བའི་ལུས་འདི་སྡུག་བསྔལ་སྒྲིབ་གཡོགས་དང་།། སངས་རྒྱས་སྐུ་དང་ཡེ་ཤེས་བདེ་བ་དེ།། འཁོར
iiif viewer powered by OpenSeadragon
