| e-texts navigator |
| Wylie |
167a1 པའི་ལེའུ་སྟེ་བརྒྱད་པའོ།། །། དེ་ནས་ཀུན་རིག་སྟོན་པ་སྣང་མཛད་ཀྱིས།། འདུས་པའི་དད་ལྡན་འཁོར་ལ་བཀའ་སྩལ་པ།། མ་བསྒོམས་དབང་པོ་རང་ཡན་བཞག་གྱུར་ཀྱང་།། ཕྱི་རོལ་ཡུལ་གྱི་ཐ
167a2 སྙད་གྲགས་པ་ལ།། འཁྲུལ་པ་ཡིན་པར་ཤེས་ཕྱིར་ཞེན་པ་མེད།། ཆོས་བརྒྱད་རང་སར་གྲོལ་བས་མཉམ་པའི་ཕྱིར།། སྐྱེ་བོ་ཉིད་ཀྱང་མ་སྤངས་ཆོས་ཀྱི་སྐུ།། དཔེར་ན་ཨ་ཤུ་ཀ་ཉིད་བདུད་རྩིར་ཤེས་པ་ལྟར།། དེ་བཞིན
167a3 སྐྱེ་བོ་རང་སེམས་འདི་ཉིད་ནི།། བླ་མའི་དོན་བསྟན་ཐ་མལ་བྱང་ཆུབ་སེམས།། བདག་ཉིད་སྙིང་པོ་ཡེ་ཤེས་དོན་ཉིད་ཡིན།། དེ་ཡང་འདུས་པའི་སེམས་དཔའ་རྡོ་རྗེ་ཉིད།། ཉིད་ཀྱི་དོན་མ་རྟོགས་པས་སོ་སོའི་སྐྱེ་བོ
167a4 སྟེ།། དེ་ཉིད་ལུང་དང་མན་ངག་དོན་རྟོགས་ཀྱིས།། རང་སེམས་རྟོགས་པས་སྐྱེ་བོ་མེད་པའི་ཕྱིར།། མ་བསྒོམས་གོ་ལ་ས་མེད་པར་མཁས་པས་གསུངས།། ངོ་བོ་ཉིད་ལ་རྟག་ཆད་མེད་པའི་ཕྱིར།། སེམས་དེར་རང
167a5 གསལ་དོན་ཟིན་མི་བརྗོད་པས།། ཕྱལ་པ་ལུང་མ་བསྟན་དུ་གོལ་ས་མེད།། དཔེར་ན་གསེར་འགྱུར་རྩིས་གང་ཐེབས་པ་རྣམས།། ཐམས་ཅད་གསེར་ལས་གཞན་དུ་མི་འགྱུར་བཞིན།། དེ་བཞིན་མུ་སྟེགས་སྐྱེ་བོའི
167a6 སེམས་ཉིད་ཀྱང་།། མན་ངག་གསེར་རྩིས་ཐེབས་པའི་སེམས།། མུ་སྟེགས་རྣམས་ཀྱང་ཡེ་ཤེས་བདེ་བའི་ངང་།། ཡུལ་ལ་མི་ཞེན་ཕྱིན་ན་བསྒོམ་དུ་མེད།། རྫོགས་སངས་རྒྱས་ཞེས་བྱ་བའི་དོན་ཉིད་ཀྱིས།། སྣ་ཚོགས
iiif viewer powered by OpenSeadragon
