| e-texts navigator |
| Wylie |
166b1 མས་འགྱུར་མེད་བྱང་ཆུབ་ཆེན་པོ་ཡིན།། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། དོན་ལ་འཕོ་འགྱུར་མེད་པར་བསྟན་པའི་ལེའུ་སྟེ་བདུན་པའོ།། །། དེ་ནས་ཀུན་རིག་ཆོས་རྗེས་དོན་གསུངས
166b2 པ།། དད་པས་འདུས་པའི་འཁོར་རྣམས་ཡིད་ཀྱིས་ཉོན།། འཁོར་འདས་རང་བཞིན་གཅིག་ཏུ་མ་ངེས་པས།། དབང་པོ་ཡུལ་རྣམས་ཇི་ལྟར་བལྟས་པར་བདེན།། དོན་ལ་མི་བདེན་གཟུང་འཛིན་མཐུ་བརྟས་པས།། ཇི
166b3 ལྟར་གོམས་པ་བརྟས་པས་དེར་སྣང་ཕྱིར།། དངོས་པོ་བློས་བརྟགས་པས་ན་ཡོད་མིན་ཏེ།། ཡོད་ན་སེམས་ཅན་ཀུན་ལ་མཐུན་སྣང་རིགས།། གདོད་ནས་རང་འཁྲུལ་བསྒྲིབས་པའི་ལུས་ཉིད་ཀྱིས།། འགྲོ་དྲུག་མཐོང
166b4 རྟོག་སོ་སོ་སྣ་ཚོགས་པ།། དེ་ཕྱིར་སེམས་ཅན་རང་སེམས་སོ་སོར་སྣང་།། ངོ་བོ་ཉིད་ཀྱི་སྐུ་ལ་འགྱུར་བ་མེད་པའི་ཕྱིར།། བློ་ཡིས་བརྟགས་པས་གཅིག་ཡུལ་གཅིག་མིན་པས།། རང་སེམས་མ་འཁྲུལ་སྣང་བ་ཐེ་ཚོམ
166b5 མེད།། དེས་ན་གཞན་ཡུལ་རྣམས་ནི་གདོད་ནས་མེད།། འཁྲུལ་པའི་རྟོག་སེམས་འགྲོ་བ་སོ་སོའི་སེམས།། གཅིག་ན་དགེ་སྡིག་རྣམ་སྨིན་འབྲས་བུ་ཡང་།། སེམས་ཅན་མ་སྤྱད་ཀུན་གྱིས་མྱོང་བར་རིགས།། ལས་ཀྱི
166b6 རྣམ་སྨིན་ཐུན་མོང་མི་འགྱུར་ཕྱིར།། བག་ཆགས་བརྟས་པའི་འཁྲུལ་པའི་སྡུག་བསྔལ་ཡིན། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། སྣང་བ་འཕོ་འགྱུར་སྣ་ཚོགས་དོན་ལས་མི་འགལ་བར་བསྟན
iiif viewer powered by OpenSeadragon
