| e-texts navigator |
| Wylie |
166a1 བྱུང་།། སྐྱེ་བོ་མུ་སྟེགས་ཕྱི་ནང་འབྲེལ་ཆོད་ཕྱིར།། གོལ་ས་དག་ཏུ་མི་འགྱུར་དོན་ཉིད་ཡིན།། དེ་ལྟར་ཤིན་ཏུ་རྟོགས་པའི་རྣལ་འབྱོར་པས།། སྐྱེ་བ་འདི་ལས་མི་ལེན་སངས་རྒྱས་ཉིད།། དོན་ལ་ཐེ་ཚོམ་མི
166a2 ཟ་སངས་རྒྱས་ཆོས་ཉིད་དེ།། རང་བྱུང་རྒྱལ་པོ་བྱང་ཆུབ་སེམས་ཉིད་ཀྱང་།། མ་བཙལ་རང་ལ་ཡོད་པས་བསྒྲུབ་མི་དགོས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། འཁོར་རྣམས་ཀྱི་རྟོག་པའི
166a3 གདུང་བ་བསལ་བའི་ལེའུ་སྟེ་དྲུག་པའོ།། །། དེ་ནས་འདུས་པའི་འཁོར་ལ་ཕན་གདགས་པའི་ཕྱིར་ཀུན་རིག་རྒྱལ་པོས་བཀའ་སྩལ་པ།། སངས་རྒྱས་རྒྱལ་པོ་ཆོས་ཀྱི་སྐུ་མཆོག་ཀྱང་།། འཁོར་འདས་རེག་པ་མེད
166a4 པར་སེམས་ལ་རྫོགས།། དོན་ལ་འགྱུར་བ་མེད་པས་བལྟ་བའི་ལམ།། ཡུལ་ལ་མི་ལྟོས་རང་སེམས་ཆོས་ཀྱི་སྐུ།། ནམ་མཁའ་བཞིན་དུ་ཡེ་ཤེས་མཐའ་མཉམ་པས།། གཞི་ལ་འགྱུར་མེད་རང་རིག་བྱང་ཆུབ
166a5 སེམས།། སྐྱོན་གྱིས་མ་གོས་སེམས་ཀྱི་དྲན་པ་ལ།། འཕོ་འགྱུར་མེད་པས་ཆོས་ཉིད་བརྡལ་བའི་སྐུ།། མི་སྐྱེ་མི་འགག་ལྟ་བ་རང་བྱུང་ལ།། བསྒོམས་པས་མི་རྙེད་རང་སེམས་འགྱུར་མེད་དོན།། མ་བསྒོམས་འབྲལ་མེད
166a6 ད་ལྟ་ང་ཡི་སེམས།། བསྐལ་པར་འཁྱམས་ཀྱང་སེམས་ལ་སྐྱེ་ཤི་མེད།། ཤི་མེད་ནོར་མཆོག་རིག་པ་ལྟ་བའི་མཆོག། དོན་ལ་མ་བསྒོམས་ཡེ་ཤེས་མཐར་ཕྱིན་ལམ།། སངས་རྒྱས་རེ་བ་མེད་པས་ལྟུང་མི་སྲིད།། གདོད
iiif viewer powered by OpenSeadragon
