| e-texts navigator |
| Wylie |
165b1 ལྡིང་བ་ནི།། ཆུ་ཀླུང་རི་རབ་གྱེན་ཐུར་ཉམ་མི་ང་།། བར་སྣང་ནམ་མཁའི་ཁམས་ཀུན་ལམ་དུ་བདེ།། གང་དུ་དམིགས་པའི་ས་ཕྱོགས་ཕྱིན་པར་བྱེད།། དེ་བཞིན་ཡེ་ནས་སེམས་སྦྱངས་རྣལ་འབྱོར་ཐུགས།། སངས་རྒྱས
165b2 སྙིང་པོར་རྟོགས་པའི་སྐལ་ལྡན་རྣམས།། ཆོས་སྐུ་མངོན་དུ་གྲུབ་པའི་གདམས་ངག་ཅན།། སེམས་རྟོག་ཡེ་ཤེས་ཡོན་ཏན་དེ་ལས་བྱུང་།། རྫོགས་པ་ཆེན་པོའི་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། སངས་རྒྱས་ཀྱི
165b3 ཡེ་ཤེས་འབྱུང་བར་བསྟན་པའི་ལེའུ་སྟེ་ལྔ་པའོ།། །། དེ་ནས་སྟོན་པ་ཀུན་རིག་རྒྱལ་པོ་དེས་དེ་སྐད་ཅེས་གསང་བའི་དོན་གསུངས་པ་དང་འཁོར་རྣམས་ཀྱི་རྟོག་པ་སངས་ནས་གུས་པའི་བསམ་པ་མཐུན་པར་གྱུར
165b4 ཅིང་ཡིད་དགའ་ནས། བཅོམ་ལྡན་འདས་ཀུན་རིག་རྒྱལ་པོ་ལ་བསྟོད་པ།། དེད་དཔོན་སངས་རྒྱས་ཀུན་བཟང་ཆོས་ཀྱི་སྐུ།། འཁོར་བ་དོང་སྦུགས་ཡེ་ཤེས་ཀློང་སྟོན་པ།། རང་རིག་རྒྱལ་པོ་བྱང་ཆུབ་ཡེ་ཤེས
165b5 སྐུ།། འཁོར་བའི་མིང་མེད་སངས་རྒྱས་ལམ་སྟོན་པ།། གཟུགས་མེད་ཆོས་ཀྱི་སྒྲ་ལ་ཡིད་ཀྱིས་བསྟོད།། དེ་སྐད་བསྟོད་པའི་དོན་གསན་ཡིད་ཀྱིས་ནི།། ཀུན་རིག་རྒྱལ་པོ་སྟོན་པ་ཆོས་རྗེ་ཡིས།། འདུས་པའི་འཁོར་གྱི
165b6 ཚོགས་ལ་བཀའ་སྩལ་པ།། དེ་ཉིད་གདེང་དུ་གོ་གྱུར་རྣལ་འབྱོར་པས།། མི་བསྒོམ་ཆེད་དུ་མི་བལྟ་རང་ཡིན་ཏེ།། སྔོན་གྱི་སངས་རྒྱས་བཅོམ་ལྡན་འདས་རྣམས་ཀྱིས།། མ་བསྒོམས་དབང་པོ་རང་ཡན་བཏང་ལས
iiif viewer powered by OpenSeadragon
