| e-texts navigator |
| Wylie |
165a1 བསྒོམས་པས།། སངས་རྒྱས་ཉིད་ཀྱང་གདེང་མེད་གོལ་བའི་ལམ།། འོག་མའི་ཕྲ་མོའི་རྣལ་འབྱོར་སྨོས་ཅི་དགོས།། དེ་སྐད་གསུངས་པའི་དོན་གསུངས་མ་ཟག་ཏུ། འཁོར་རྣམས་སེམས་འདྲོག་སྟེ་ཡིད
165a2 མ་རངས་ཏེ་སེམས་ཀྱི་དོན་ལ་ཐེ་ཚོམ་དུ་གྱུར་ནས། ཏིང་ངེ་འཛིན་ལ་ཡིད་བྱུང་བར་གྱུར་ཏོ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། ཆེད་དུ་བརྗོད་པའི་ལེའུ་སྟེ་བཞི་པའོ།། །། དེ་ནས
165a3 སེམས་དཔའ་རྡོ་རྗེས་འཁོར་རྣམས་ཀྱི་བསམ་པ་ཐུགས་སུ་ཆུད་ནས་སེམས་རྟོག་བསལ་བའི་ཕྱིར་དོན་འདི་ཞུས་སོ།། དོན་གྱི་སངས་རྒྱས་ཡེ་ཤེས་གང་ལས་བྱུང་།། དོན་ལས་འཕོ་འགྱུར་མེད་པའི་བལྟ་བ་གང་།། སྣང
165a4 ལ་འཕོ་འགྱུར་སྣ་ཚོགས་ཅི་ལས་བྱུང་།། མ་བསྒོམས་སྐྱེ་བོར་མི་གོལ་ཐབས་ཅི་ལགས།། བློ་དངོས་གཅིག་པུར་རྟོགས་པའི་ཚད་ནི་གང་།། དེ་སྐད་ཡིད་ཀྱིས་གསོལ་བའི་དོན་གསན་ནས།། སྟོན་པ་ཀུན་རིག་རྒྱལ་པོ
165a5 ཆོས་རྗེ་ཡིས།། ཐུགས་ཀྱི་དཀྱིལ་འཁོར་རིན་ཆེན་སྒོ་ཕྱེ་ནས།། སངས་རྒྱས་དཔལ་གྱི་མགུར་ནས་བཀའ་སྩལ་པ།། འཁོར་འདས་གཞི་ནི་ངོ་བོ་ཉིད་ཀྱི་སྐུ།། དོན་གྱི་སངས་རྒྱས་རང་སེམས་དོན་རྟོགས་ན།། ཀུན་ཏུ
165a6 བཟང་པོ་རང་བྱུང་བཅོམ་ལྡན་འདས།། ཡེ་ཤེས་རབ་ཏུ་ཆེ་མཆོག་ཆོས་ཀྱི་སྐུ།། མི་སྐྱེ་མི་འགག་ནམ་མཁའི་ངང་བཞིན་ནོ།། འཁྲུལ་རྟོག་ཉིད་ཀྱང་ཡེ་ཤེས་བདེ་བའི་ཀློང་།། དཔེར་ན་ཁྱུང་ཆེན་གཤོག་རྫོགས་མཁའ་ལ
iiif viewer powered by OpenSeadragon
