| e-texts navigator |
| Wylie |
164b1 གསང་ཐུབ།། ཚུལ་ཤིས་དང་བཟང་རྣམས་ཀྱི་དོན་གྱི་གཏེར།། དེ་དག་ཡོན་ཏན་བརྒྱ་ལྡན་སློབ་མ་ལ།། རབ་ཏུ་གསང་སྟེ་དོན་ཉིད་སྟོན་པ་ཡི།། བླ་མ་མཁས་པ་མཐའ་བཅུ་རྫོགས་པ་ལ།། མཉེན་ཞིང་དལ་ལ་ཐུགས
164b2 རྗེ་རབ་ལྡན་ཞིང་།། སྲིད་པར་ཆོས་རྣམས་ཞུས་ཀྱང་ཟད་མེད་པའི།། དམ་པའི་མཛོད་ཀྱི་གཏེར་ལྡན་སྟོན་ལ་མཁས།། དཔེར་ན་སེང་གེས་འཇིགས་པ་རྩད་གཅོད་བཞིན།། བློ་དངོས་གཅིག་པར་སྟོན་ལ་གུས་པས
164b3 ཞུས།། དེ་ནས་འདུས་པའི་སེམས་དཔའ་རྡོ་རྗེ་ཉོན།། ཡང་དག་དོན་གྱི་ལྟ་བ་གསང་བ་འདི།། གང་ཟག་ཕྱིན་ཅི་ལོག་དང་བལྟ་དམན་པ།། ཐོས་པ་ཆུང་ལ་བློ་རྟུལ་ཤེས་རབ་མེད།། ནོར་ཕངས་ཁ་རལ་ལ་སོགས་སྣོད
164b4 མེད་ལ།། འདི་བསྟན་གཉིས་ཀ་བསྲེག་ཕྱིར་རབ་ཏུ་གསང་།། དེ་སྐད་གསུངས་མ་ཐག་ཏུ་ཡིད་དགའ་ནས།། འཁོར་རྣམས་སྣོད་ཀྱི་དོན་དང་ལྡན་པར་ནི།། ཁས་བླངས་རང་དམ་བཅས་ནས་ཡིད་བསྡུས་ཏེ།། མགྲིན
164b5 གཅིག་ལྷགས་ནས་འཁོད་གྱུར་ཏོ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། སྣོད་བཅུད་བསྟན་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་ཀུན་རིག་རྒྱལ་པོ་ཡིས།། ཆེད་དུ་བརྗོད
164b6 པའི་དོན་འདི་བཀའ་སྩལ་ཏོ།། འགྲོ་དྲུག་སེམས་ཅན་མེད་པའི་གོང་རོལ་དུ།། སངས་རྒྱས་མེད་པས་ཡེ་ཤེས་མིང་ཡང་མེད།། ཀུན་བཟང་ཉིད་ཀྱང་གློ་བུར་སངས་རྒྱས་ཏེ།། མ་བཅོས་གདོད་ནས་མི་རྟོག་བློས
iiif viewer powered by OpenSeadragon
