| e-texts navigator |
| Wylie |
164a1 ལ་ས་མཁན་མཛོད།། སེམས་ཅན་ལས་ལ་ཐུགས་རྗེ་ཡི་ཆད་ཀྱང་།། སྙིང་རྗེས་འགྲོ་དོན་ཐུགས་དམ་མི་མཛད་དམ།། སེམས་ཅན་ལྷ་མི་རྣམས་ནི་ཤེས་པ་རྩིང་།། དབང་པོ་ཡུལ་ལ་ཡེངས་པའི་སེམས
164a2 འཛིན་གྱིས།། འཚོ་བ་དཀོན་ཞིང་ཚེ་ཐུང་ནད་མང་བས།། ཐར་ལམ་མི་ཐོབ་སྐྱེ་ཤི་འཆི་ལ་རྟག། དེ་ཕྱིར་ལུས་ངག་འདུས་བྱས་ཆོས་སྤྱོད་ཀྱང་།། ལོང་མེད་མཐའ་རིང་བསྒྲུབ་པར་དཀའ་བའི་ཕྱིར།། སྙིང་པོ་མན་ངག
164a3 རྟོགས་པར་བྱ་བའི་ཕྱིར།། བསྒོམ་དུ་མེད་པའི་ཆོས་ཉིད་ཐུགས་རྗེས་གསུངས། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། གདུང་བ་བཏོན་པའི་ལེའུ་སྟེ་གཉིས་པའོ།། །། དེ་ནས་འདུས་པའི
164a4 ཚོགས་ཀྱི་ནང་ནས་རྡོ་རྗེ་སེམས་དཔའ་ལ་ཐུགས་ཀྱིས་གཟིགས་ནས་ངེས་པར་བཀའ་སྩལ་པ།། བསྒོམ་དུ་མེད་ལ་མི་འབྲལ་གདམས་ངག་རྒྱུན།། རྡོ་རྗེ་སེམས་དཔས་ཐུགས་ནས་བརྒྱུད་པ་ཡིས།། ང་ཡིས་བྱིན་གྱིས
164a5 བརླབས་པའི་མཁས་པ་ལ།། རང་སེམས་རྟོགས་འདོད་སློབ་མ་ལས་ཅན་གྱིས།། དད་པས་ཤིན་ཏུ་རང་ཉིད་དུལ་བྱས་པས།། ལུས་དང་ལོངས་སྤྱོད་སྲོག་ལ་མི་བལྟ་བར།། སྲིང་མོ་བུ་མོ་ལ་སོགས་རབ་བརྒྱན་ཏེ།། རྟ
164a6 དང་གླང་པོ་ནོར་གྱི་དབྱིག་རྣམས་ཀྱང་།། སེར་སྣ་མེད་པས་བླ་མ་དག་ལ་དབུལ།། དེ་ཡང་འདུས་པའི་སེམས་དཔའ་རྡོ་རྗེ་ཉོན།། ཆོས་ཕྱིར་བརྩོན་འགྲུས་ཆེ་ལ་དམ་ཚིག་ལྡན།། བློ་བརྟན་ཤེས་རབ་ཟབ་ཅིང་དོན
iiif viewer powered by OpenSeadragon
