| e-texts navigator |
| Wylie |
163b1 ཅེས་རྡོ་རྗེ་སེམས་དཔས་གསོལ་ཏོ།། བསྒོམ་མེད་གནས་ལུགས་དོན་ནི་གང་ལ་བྱ།། སྣོད་བཅུད་སྐལ་ལྡན་གང་གིས་གཟུང་བར་བགྱི།། སྟོན་པ་ཀུན་རིག་རྒྱལ་པོས་བཤད་དུ་གསོལ།། དེ་སྐད་གསོལ་བའི་ཚིག
163b2 གསན་ཐུགས་ཀྱིས་ནི།། འདུས་པའི་ཚོགས་ལ་ཀུན་རིག་སྟོན་པས་བཀའ་སྩལ་པ།། བསྒོམ་མེད་ལྟ་བའི་གནས་ལུགས་ངས་བཤད་དུ།། སངས་རྒྱས་ཀུན་ཀྱང་སྔངས་ཤིང་སྐྲག་པའི་ཕྱིར།། གནོད་སྦྱིན་སྲིན་པོ་ཡི
163b3 དྭགས་གྲུལ་བུམ་ཚོགས།། འཇིག་རྟེན་ལྷ་མི་རྣམས་ཀྱང་སྔངས་འགྱུར་བས།། རྒྱུད་འདི་ལ་ནི་འགལ་སེམས་སྡིག་ཅན་རྣམས།། དམྱལ་བར་ངེས་འགྲོ་གཏན་དུ་སྙིང་རེ་རྗེ།། དཔེར་ན་རྒྱ་མཚོ་མ་ལུས་ཀུན་བརྒལ
163b4 ཡང་།། ཡིད་བཞིན་ནོར་བུ་རྙེད་པར་དཀའ་བ་བཞིན།། སྣོད་ལྡན་སློབ་མ་དད་ལྡན་ཤིན་ཏུ་དཀོན།། དེ་ཕྱིར་ཤིན་ཏུ་གསང་བའི་གཏེར་དུ་བཞག། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ལས། དོན་གྱི
163b5 གསང་བར་གསུངས་པའི་གླེང་གཞིའི་ལེའུ་སྟེ་དང་པོའོ།། །། དེ་སྐད་ཅེས་བཀའ་སྩལ་པས་འཁོར་གྱིས་དོན་གོ་ནས། གདུང་བ་བཏོན་ནས་ཡིད་ཀྱིས་དོན་གསོལ་པ།། མ་རིག་ལས་ཀྱི་སྡུག་བསྔལ་འཁྱམས་པའི
163b6 སེམས།། རྣམ་རྟོག་དྲ་བ་གང་གིས་གཅོད་པའི་ཐབས།། ཐུགས་རྗེ་ཆེན་པོས་མི་འཛིན་ཡི་རེ་ཆད།། སྒྲིབ་པའི་མུན་པས་འཐིབས་པ་སྙིང་རེ་རྗེ།། འགྲོ་དྲུག་སྡུག་བསྔལ་མི་གྲོལ་ཡི་རེ་མུག། རང་སེམས་ས་འཁོར་དག
iiif viewer powered by OpenSeadragon
