| e-texts navigator |
| Wylie |
163a1 རྒྱ་གར་སྐད་དུ། མ་ཧཱ་སནྟི་དྲྀཥྚི་ཛྙཱ་ན་ནིམྦྷ་པཱཪྵཱ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ཀྱི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་རིག་ཆོས་ཀྱི་རྗེ་ལ་ཕྱག་འཚལ
163a2 ལོ།། འདི་སྐད་གོ་ཞིང་རྟོགས་པའི་དུས་གཅིག་ན། བཅོམ་ལྡན་འདས་དཔལ་ཀུན་རིག་རྒྱལ་པོ་དེ། རང་བྱུང་སེམས་ལ་ངོ་བོ་ཉིད་ཀྱི་སྐུ།། དེ་ཉིད་ཆོས་སྐུ་སྟོན་པ་ཀུན་ཏུ་བཟང་།། འོ་ན་མིན་བདེ་ཆེན་གནས་མཆོག
163a3 ཆོས་ཀྱི་དབྱིངས།། ཕྱི་ནང་མེད་པར་མཛེས་ཤིང་འོད་གསལ་བའི།། ཡིད་བཞིན་རྒྱན་ཀྱིས་སྤྲས་ཤིང་བལྟ་ན་སྡུག། ཡངས་དོག་མེད་པའི་གཞལ་ཡས་ཁང་ན་བཞུགས།། གསུང་བ་མི་མངའ་ཆོས་ཉིད་རང་བཞིན
163a4 ནི།། རང་གི་སེམས་ཉིད་བརྗོད་དུ་མེད་པའི་དོན།། ཡེ་ནས་མ་བཅོས་རང་གི་ངོ་བོ་ཉིད།། སྐྱེ་མེད་ཐུགས་ལ་རང་བཞིན་དོན་གྱིས་གསང་།། མ་རིག་ཡེ་ཤེས་གདོད་ནས་མེད་པའི་དུས།། སྔ་ཕྱིའི་སེམས་ལ་འཕོ་འགྱུར
163a5 མེད་པའི་ཚེ།། ངོ་མཚར་རྨད་བྱུང་ཆོས་ཉིད་རྒྱལ་པོ་དེ།། མ་བཙལ་སེམས་ལས་བྱུང་བས་ངོ་བོ་ཉིད་ཀྱི་སྐུ།། དེར་འདུས་ཉིད་ལས་མི་གཞན་རིགས་ལྔའི་འཁོར།། རིག་པས་འདུས་པ་ས་བཅུའི་སེམས་དཔའི
163a6 འཁོར།། སྤྲུལ་པ་ཆོས་སྐྱོང་མཁའ་འགྲོ་དང་ཉན་འཁོར།། ཏིང་ངེ་འཛིན་ལ་འདུས་ནས་ཡིད་ཀྱིས་འཁོར།། དེའི་ཚེ་འཁོར་རྣམས་ཞི་གནས་ཀྱི་བསམ་གཏན་ལ་ཞེན་པའི་རྟོག་པ་གསལ་བར་གཟིགས་ནས། འདི་སྐད
iiif viewer powered by OpenSeadragon
