| e-texts navigator |
| Wylie |
161a1 ཀུན་གཅིག་ཡིན་པར་བསྟན།། ལྷ་སྤྱོད་ཏིང་འཛིན་རྒྱུ་འབྲས་གཅིག་གི་ངང་།། གང་ལ་སྤྱད་ཀྱང་འཇུག་ལྟ་འབྲས་བུ་རྫོགས།། རྡོ་རྗེ་ཐེག་པའི་འབྲས་བུ་ཐོབ་ནས་ཡོན་ཏན་ཅི་འབྱུང་བ་བསྟན་པ། གབ
161a2 ཚེའི་ནོར་ལྟར་ཐམས་ཅད་ཀུན་འདུས་ཤིང་། ནམ་མཁའ་བཞིན་དུ་མ་གཡོས་ངང་གིས་འཆར། བཀྲ་ཤིས་པ་རིག་པའི་ཁུ་བྱུག་གི་རྒྱུད་ལས། རྡོ་རྗེ་ཐེག་པའི་ང་རྒྱལ་བསྟན་པ་དང་། རྡོ་རྗེ་ཐེག་པའི་དབྱེ་བ་བསྟན་པའི
161a3 ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས། རྒྱུད་ཀྱི་བདག་པོ་ལ་བསྟོད་པ། ཀྱེ་བཅོམ་ལྡན་འདས། བཅོམ་ལྡན་འདས། ཆེན་པོའི་ཆེན་པོ། མཆོག་ཏུ་གྱུར་པས། ཆེན་པོ་ཁྱོད་ནི
161a4 ཆེ་བའོ།། བཟང་པོའི་བཟང་པོ་བདག་མེད་ཕྱོགས་བྲལ་དམ་པར་གྱུར་པ་ཁྱོད་ནི་ལྟ་བའོ།། ཀུན་མཁྱེན་ཀུན་གཟིགས་ཀྱི་ཡེ་མཁྱེན་རང་རིག་ཉིད་དེ་སངས་རྒྱས་ཀུན་གྱི་ཐུགས་སོ།། ཀུན་སྡུད་ཀུན་རྫོགས་ཀུན་གྱི
161a5 འབྲས་བུ་ཁྱོད་ལ་མི་འབྲལ་རྟག་ཕྱག་འཚལ།། སྐུ་ཡི་སྐུ་སྟེ་སྣ་ཚོགས་འདུལ་བ་ཡི་སྐུ།། ཆོས་སྐུ་དཔག་མེད་རྟག་ཕྱག་འཚལ།། གསུང་གི་གསུང་སྟེ་སྣ་ཚོགས་འདུས་པའི་གསུང་།། གསུང་མཆོག་ཀུན་ཏུ་གྲགས་པ་ཁྱོད
161a6 ལའང་རྟག་ཕྱག་འཚལ།། ཐུགས་ཀྱི་ཐུགས་ཏེ་སྣ་ཚོགས་འདུས་པའི་དེ་བཞིན་ཉིད་དེ་དེ་ལའང་རྟག་ཏུ་བདག་ཕྱག་འཚལ།། མི་འདའ་འདའ་བར་མི་མཛད་དམ་ཚིག་རྡོ་རྗེ་ཅན་གྱི་སྐུ་ཁྱོད་ལའང་རྟག་ཕྱག
iiif viewer powered by OpenSeadragon
