| e-texts navigator |
| Wylie |
160b1 པའི་ཏིང་འཛིན་བསྟན་པ་ནི།། དེ་བཞིན་ཉིད་ཀྱི་དེ་བཞིན་དམ་པ་ཉིད།། ནམ་མཁའི་ཁམས་བཞིན་རང་བཞིན་མཉམ་གནས་པ།། སེམས་ལ་དམིགས་པའི་བདག་ཉིད་མེད་པར་བསམ།། ལྷ་ཡི་ཕྱག་རྒྱ་གསལ་བའི
160b2 ཏིང་ངེ་འཛིན།། ངོ་བོ་ཉིད་ཀྱིས་དམིགས་སུ་མེད་པ་ཡིན།། རྡོ་རྗེ་ཐེག་པའི་སྤྱོད་པ་དག་པ་ནི།། དཀའ་ཐུབ་མི་མངའ་གཙང་སྦྲར་མི་རྟོག་ཅིང་།། བརྟུལ་ཞུགས་གསུམ་ལྡན་སེམས་ཅན་ཐམས་ཅད་གསོད།། ཟས
160b3 མཆོག་བཤང་གཅི་ཟ་ཞིང་རྣལ་འབྱོར་དོན་ལ་བརྩོན།། ཉོན་མོངས་ལྔ་སྤྱོད་བྱང་ཆུབ་ཆེན་པོ་འཆང་།། མཚམས་མེད་ལྔ་སྤྱོད་ཡེ་ཤེས་རོལ་པར་རྟོགས།། རྡོ་རྗེ་ཐེག་པའི་ལྟ་བའི་ངོ་བོ་ལ་བལྟ་བ།། ཤེས་རབ་འབར
160b4 བའི་མེ་ཆེན་འོད་གསལ་བས།། དབྱིངས་དང་ཡེ་ཤེས་གཉིས་ཀྱང་མེ་འོད་བསྲེགས།། དཀྱིལ་འཁོར་གསུམ་དུ་མི་བལྟ་དེ་བཞིན་ཉིད་མི་གདབ།། སྣང་སྟོང་ཕྱག་རྒྱར་མི་འདོད་མཉམ་ཉིད་ཏིང་འཛིན་འདས།། གང་ལ
160b5 མི་བརྟེན་གང་ལའང་གྲུབ་པ་མེད།། གདོད་ནས་མཐའ་དག་དེ་བཞིན་དེ་བཞིན་ཉིད།། དེ་ཡི་ཚིག་འདས་སངས་རྒྱས་ལ་སངས་རྒྱས།། རྡོ་རྗེ་ཐེག་པ་ཆེན་པོའི་འབྲས་བུ་བསྟན་པའོ།། མ་བཙལ་མ་བསྒྲུབས་རང་བཞིན
160b6 གནས་པའི་ས།། ས་རྫོགས་པདྨ་ཅན་དང་ཀུན་ཏུ་འོད་ལས་འདས།། འབྲས་བུ་ལྷུན་གྲུབ་ཡེ་ནས་དག་པའི་ས།། རྡོ་རྗེ་ཐེག་པའི་ལྟ་བ་དང་། དམ་ཚིག་དང་། སྤྱོད་པ་དང་། བསྒོམ་པ་དང་། རང་བཞིན་དང་། འབྲས་བུ
iiif viewer powered by OpenSeadragon
