| e-texts navigator |
| Wylie |
160a1 སར་ཕྱིན་པ་ཉེ་ལམ་མཆོག། རྟག་ཏུ་རྒྱལ་ཉིད་མཆོད་ན་རྒྱལ་བ་མཉེས།། སངས་རྒྱས་ཞིང་སྦྱོང་མི་དགོས་ཐམས་ཅད་རྒྱས།། ཁྱབ་སྐུ་ཡེ་ནས་བརྡལ་བ་ཀུན་གྱི་ལམ།། ཡེ་ཤེས་སྣ་ཚོགས་རྒྱན་བཀྲམ
160a2 སྦྱིན་བཏང་བས།། འཁོར་ལོའི་བསྒྱུར་རྒྱལ་ནོར་ལྟར་མཚོ་ཐིགས་འདྲ།། ཡེ་ཤེས་ཆོས་དབྱིངས་བརྒྱན་པའི་སྦྱིན་པ་ནི།། ཟད་པའི་དུས་མེད་ནམ་མཁའ་ཆེན་པོའི་ཚུལ།། ནོར་བཏང་གླིང་གཅིག་བྱུར་བུར་བཏང་གྱུར
160a3 ནས།། རྒྱལ་ལ་སོགས་པ་ཀུན་ལ་ཕུལ་བྱས་པའང་།། ཆུ་ཐིགས་ལྟར་གྱིས་བླངས་བཞིན་ཟད་པར་འགྱུར།། ཁུ་བྱུག་དུས་བསྲུང་གཞན་གྱིས་མི་འགྱུར་ལྟར།། དབང་ཕྱུག་མངའ་བརྙེས་གཞན་ལ་རག་མི་ལུས།། ཁུ་བྱུག
160a4 གིས་ནི་གཞན་གྱི་ཡིད་སྡུད་ལྟར།། ཀུན་རྫོགས་མཆོག་གི་སྐུ་ཡིས་ཐམས་ཅད་སྡུད།། སངས་རྒྱས་ཀུན་གྱི་བདག་ཉིད་མེས་ཆེན་པོ།། ཞིང་ཁམས་དག་པའི་སངས་རྒྱས་ཀུན་གྱི་ལྷ།། དཀྱིལ་འཁོར་ཆེན་པོ་འཁོར་ལོ
160a5 རྫོགས་པའི་སྐུ།། རྒྱལ་ཀུན་མཆོད་པར་འདོད་ན་བདག་ཉིད་མཆོད།། དཀོན་མཆོག་གསུམ་མཆོད་འདུ་ཤེས་མེད་པ་བདག་ལ་གནས་པ་དབང་ལྔ་ཐོབ།། རྡོ་རྗེ་ཐེག་པའི་དམ་ཚིག་མི་འདོར་བ།། ཉོན་མོངས་ལྔ་པོའི
160a6 ལས་ཀུན་སྤྱོད་པ་དང་།། སེམས་ཅན་ཀུན་ལ་སྙིང་བརྩེ་མེད་པ་དང་།། མ་བྱིན་ལེན་དང་མི་ཚངས་སྤྱོད་པ་དང་།། ཕྱག་རྒྱར་མི་རྩོལ་གཞན་ལ་མི་རྩོལ་བ།། རྟག་པར་རྒྱལ་བ་མི་འདའི་དམ་ཚིག་མཆོག། རྡོ་རྗེ་ཐེག
iiif viewer powered by OpenSeadragon
