| e-texts navigator |
| Wylie |
159b1 དབྱིངས་ལས་སྒྱུ་མའི་མཚན་ཉིད་མེད།། ཆོས་ཀྱི་དབྱིངས་ལས་སྒྱུ་མར་གང་བསྒྲུབས་ཀྱང་།། སྒྱུ་རྩལ་རྒྱལ་བའི་ལམ་དུ་ཡོངས་མ་བསྔགས།། མི་གནས་ཆོས་སྐུ་བརྗོད་མེད་ལས་འདས་པ།། དབུ་མར་བརྗོད་དུ་མེད་དེ
159b2 དོན་དང་བྲལ།། སྒྱུ་མའི་རང་བཞིན་སྦྱང་བ་བྲལ་བ་ན།། མཁའ་བཞིན་མཐའ་ཀུན་མེད་དེ་ཕྱོགས་དང་བྲལ།། ཞི་དང་མ་ཞི་མེད་དེ་ཆོས་རྣམས་མེད།། རེ་དང་དོགས་མེད་མཉམ་པའི་རྒྱལ་པོ་ཆེ།། མཚན་མེད་དགོངས
159b3 པ་དག་པས་བསྒོམ་མི་དགོས།། བྱར་མེད་ལམ་ལས་འདས་པའི་ལམ་མི་རྩལ།། རྨད་བྱུང་སྐུ་མཆོག་ཉིད་ལས་སྐུར་མི་བསྒོམ།། རེ་དོགས་ཀུན་བྲལ་ཞི་བས་རྒྱས་བཏབ་པས།། ཕྱག་རྒྱ་བཞི་ནི་སྐུ་མཆོག་ཉིད་ཀྱི
159b4 ནད།། སྐུ་གསུམ་རྫོགས་པའི་དཀྱིལ་འཁོར་ཆེན་པོ་སྟེ།། རང་བྱུང་ཡེ་ནས་ལྡན་པའི་ཆོས་ཀྱི་སྐུ།། འགྱུར་མེད་ལྷུན་གྱིས་རྫོགས་པས་བསོད་ནམས་སྐུ།། འབྱུང་འཇུག་ཅིར་ཡང་སྣང་བས་སྤྲུལ་པའི་སྐུ།། བྱེད་སྤྱོད་ཀུན
159b5 རྫོགས་ལོངས་སྤྱོད་རྫོགས་པའི་སྐུ།། བཙལ་མེད་སྙིང་པོ་བྱང་ཆུབ་རྫོགས་པའི་སྐུ།། ཐམས་ཅད་ལྷུན་གྱི་བདག་ཉིད་ཡིན་པས་ན།། ཟིན་རྩོལ་ངལ་བས་བྱང་ཆུབ་མཆོག་ཚོལ་བ།། རྙེད་པའི་དུས་མེད་སྲིན་ལས་བལ
159b6 སྐྱེས་ཚུལ།། རྒྱལ་བར་རྟག་པར་བཞུགས་པ་ང་ཉིད་པས།། རྟག་ཏུ་བདེ་འགྲོ་ཐར་པའི་ལམ་འདོད་ན།། གྲོལ་བའི་ལམ་ཆེན་ནང་ལ་བལྟ་བར་བྱོས།། གྲོལ་བའི་ལམ་ཞུགས་དྲང་པོར་འཁོར་ས་མེད།། མ་ཕྱིན་འགྲོ།
iiif viewer powered by OpenSeadragon
