| e-texts navigator |
| Wylie |
158b1 བཅོམ་ལྡན་འདས་དཔལ་ཀུན་ཏུ་བཟང་པོས།། ཆེད་དུ་བརྗོད་པ་འདི་ཆེད་དུ་བརྗོད་དོ།། ཚོགས་སྦྱོར་བསྒོམ་པ་མཐོང་བ་མཐར་ཕྱིན་ལམ།། ཚད་མེད་བཞིས་ནི་ཀུན་ཀྱང་སྐྱེ་བར་ནུས་པ་ཡིན།། སྐུ་གསུང་ཐུགས་ལས
158b2 བྲལ་བས་ཚོགས་རྫོགས་ཆེ་བའི་མཆོག། ལམ་མེད་པས་ན་ལམ་ལ་མི་བཙལ་བདེ་བའི་ལྷུན།། རྒྱུ་འབྲས་མི་ཕྱེད་འདུས་པའི་རྡོ་རྗེ་ཡིན།། མ་སྐྱེས་ཡེ་ནས་གནས་པས་འཇིག་པ་མེད།། གདོད་ནས་བྱང་ཆུབ་སྙིང་པོའི
158b3 རང་བཞིན་ལ།། བཙལ་བའི་བསམ་པ་ཡོད་པས་དོན་མི་རྙེད།། ཀུན་ཏུ་ཁྱབ་པས་རྟག་པ་བྱམས་པའི་སྐུ།། ཕྱག་རྒྱའི་འབྱུང་འཇུག་མེད་ཀྱང་ཉམས་པ་མེད།། འགྲོ་བའི་སྡུག་བསྔལ་སེམས་ཀྱི་འབྱུང་འཇུག
158b4 ཡིན།། ཆོས་སྐུ་ཡེ་ཁྱབ་ཀུན་ཁྱབ་རྣམ་པར་རོལ།། བསྐྱོད་མེད་ནམ་མཁའི་དབྱིངས་ལྟར་མཉམ་པར་གནས།། ཁྱད་པར་ཅིར་ཡང་མཚུངས་པ་བྱམས་པའི་མཆོག། དེ་ནས་དེ་བཞིན་གཤེགས་པ་ཐམས་ཅད
158b5 ལ།། བཅོམ་ལྡན་འདས་ཀྱིས་བཀའ་སྩལ་པ།། སྤང་དུ་མེད་པའི་ལམ་ལྔ་པོ།། དེ་བཞིན་གཤེགས་པ་ཀུན་གྱི་ཐར་པའི་མཛོད།། སྤྱོད་པར་བྱ་བ་རྣམ་ཐར་ལྔ་ཉིད་ཀྱང་།། དེ་བཞིན་གཤེགས་པ་ཀུན་གྱི་སྐུ་ཡི
158b6 གསོས།། འདོད་ཡོན་རྣམ་ལྔ་དེ་བཞིན་གཤེགས་པའི་རྒྱན།། སངས་རྒྱས་དང་ནི་སློབ་དཔོན་ཕྱག་རྒྱ་སྔགས།། ལྕམ་དྲལ་ཚུལ་དུ་བལྟ་རྣམས་ཡན་ལག་བསམ།། འདི་ཡང་བྱང་ཆུབ་ཐོབ་པའི་ལམ་པོ་ཆེ།། ཡེ་ཤེས་ཀྱི
iiif viewer powered by OpenSeadragon
