| e-texts navigator |
| Wylie |
158a1 ཡེ་ཤེས་གསལ་བའི་ངང་།། མི་འདོར་ཚིག་བྲལ་ལྷུན་རྫོགས་མཉམ་མ་ཉིད།། དཀྱིལ་འཁོར་ཆེན་པོར་རང་བཞིན་གནས་པའི་རྒྱ།། ཐམས་ཅད་ཡེ་ནས་དག་པའི་ལྷག་མ་མེད།། མི་འགྱུར་སྙིང་པོར་གྱུར
158a2 པས་དྲང་པོའི་མཆོག། མཐའ་ལས་མཁའ་བཞིན་གནས་པས་མི་མཉམ་མེད།། བཙལ་བ་མེད་པས་གཞན་ལ་ལྟོས་མ་ཡིན།། ལྷུན་གནས་བདེ་ཆེན་མཚུངས་པའི་རྒྱལ་པོ་འདི།། མིང་ཙམ་ཚིག་ཏུ་འདི་ཞེས་བཏགས
158a3 ནས་ནི།། བསྟན་དུ་རྡོ་རྗེ་སེམས་དཔའ་ངས་མ་བསྟན།། ཐབས་དང་ཤེས་རབ་རྣམ་པ་ལྡན་བྱས་ནས།། སྙིང་རྗེ་སྒྱུ་མའི་ཕྱག་རྒྱ་འཛིན་འདོང་གང་།། དེ་ལ་འཛིན་པ་ཡོད་ཕྱིར་སྐྱོན་ཡིན་ཏེ།། སྙིང་པོའི་རང་བཞིན
158a4 གཅིག་ཏུ་མ་ངེས་པས།། ཇི་ལྟར་འདོད་པ་དཔུང་མི་དགོས་པར་སྣང་།། སྣང་སྟོང་ཕྱག་རྒྱར་རྩོལ་བས་བདེ་འདོད་པ།། བླ་མེད་ཐེག་པའི་སྒྲིབ་ཤིང་སྐྱོན་ཅན་ཡིན།། ཡིག་འབྲུས་བསྐྱེད་པའི་ཕྱག་རྒྱ་བཞི་ལྡན་སྐུ།། ཆ
158a5 ལུགས་གསལ་བར་ཆུ་ཟླ་བཞིན་སྣང་སྟེ།། སྣང་སྟོང་ངོ་བོ་ཉིད་དུ་བསྒོམས་གྱུར་ཀྱང་།། བསྒོམ་པ་ཉིད་ཀྱིས་སྤྲེའུའི་སྤྱོད་ཡུལ་འདྲ།། དཀྱིལ་འཁོར་ཆེན་པོ་རྣམ་གསུམ་འོད་འབར་བས།། དབང་པོ་མངོན་དུ་གསལ
158a6 བར་གྱུར་ན་ཡང་།། ཐེག་མཆོག་འདི་ལ་རེག་པ་ཡོད་མ་ཡིན།། བཀྲ་ཤིས་པ་རིག་པའི་ཁུ་བྱུག་གི་རྒྱུད་ལས། མ་ཧཱ་ཡོ་ག་རྡོ་རྗེ་ཐེག་པ་ཆེན་པོའི་གོལ་ས་ཡིན་པར་བསྟན་པའི་ལེའུ་སྟེ་བཞི་པའོ།། །། དེ་ནས
iiif viewer powered by OpenSeadragon
