| e-texts navigator |
| Wylie |
157a1 མཐིང་སེར་པོ་ལེ་བརྒན་ལྗང་གུའི་མདོག། གསལ་བ་སྲ་བ་མཉེན་པ་དྲོ་བ་དང་།། གཉིས་མེད་འཁྲིལ་བ་གཞོན་ཚུལ་ཆགས་པར་བཞུགས།། མཐོང་ཐོས་བསྣམས་དང་མྱངས་པ་དག་པའི
157a2 དབང་།། མཐོང་བྱ་མཉན་བྱ་བསྣམ་བྱ་མྱང་བྱ་རྣམས།། མཐོང་བྱེད་ཟོས་བྱེད་སྣོམ་བྱེད་མྱོང་བྱེད་དང་།། འདས་དང་ད་ལྟར་བྱུང་དང་མ་བྱོན་ཚོགས།། གཉིས་མེད་འཁྲིལ་བ་རྒྱལ་བ་ཡབ་ཡུམ་ཚུལ།། མཐར་བྱེད་རེག
157a3 དང་རེག་བྱེད་རེག་ཤེས་དང་།། རྟག་ཆད་བདག་དང་མཚན་མར་མ་ཡིན་རྣམས།། གདོད་ནས་དག་པའི་ཡབ་ཡུམ་དཀྱིལ་འཁོར་རྫོགས།། ཡང་དག་བདེན་པའི་འབྲས་བུ་ཀུན་རྫོབ་རྒྱ།། འཇིག་རྟེན་པ་དང་འཇིག་རྟེན
157a4 འདས་པའི་ཞིང་།། དཀྱིལ་འཁོར་སྐྲོད་ཡུལ་དཀྱིལ་འཁོར་གསུམ་དུ་འདུས།། འབྲས་བུ་སྨིན་པའི་རྒྱུ་རྐྱེན་འདུས་པའི་མཐུ།། རྡོ་རྗེ་སེམས་དཔའ་ཀློང་ཆེན་ལམ་གྱི་མཆོག། གདོད་ནས་མི་སྐྱེ་མི་འཆི་དགོངས་པ
157a5 དག། ཀུན་ཏུ་ཁྱབ་གདལ་ཡེ་ཤེས་ཆེན་པོའི་སྦུབས།། སྙིང་རྗེའི་རྩལ་ཆེན་བརྩེར་མེད་ཀུན་སངས་རྒྱས།། བདེ་ཆེན་བདག་རྣམས་མཚན་མ་རྣམ་པར་སྤང་།། ཆེ་བའི་ཡང་ཆེ་མཚོ་ལྟར་ཟབ་པའི་ཕྱིར།། ཇི་བཞིན་མི
157a6 བསྐྱོད་བྱ་མེད་རྣམ་པར་གྲོལ།། རང་བྱུང་ཡེ་ཤེས་འབྱུང་བ་འབྱུང་བའི་མཆོག། གཞན་ནས་མ་ཡིན་འགྲོ་བ་ཀུན་ལ་གནས།། ཐུན་མོང་བདེ་བ་བྱང་ཆུབ་རྙེད་དཀའ་བ།། ཞིང་དང་སྤྱོད་ཡུལ་ཡོངས་སུ་འཕྲུལ་པ
iiif viewer powered by OpenSeadragon
