| e-texts navigator |
| Wylie |
156b1 འཁོར་ལ་སོགས་པ་ཡི་ཚོགས།། སྣང་ཡང་དངོས་པོ་མེད་པའི་ཚུལ་ཡིན་ན།། དེ་ལ་ཇི་ལྟར་བརྟགས་ཀྱང་དངོས་པོ་ཅི་ཞིག་ཡོད།། དཔེ་དང་ཚད་མ་གཏན་ཚིགས་རྗེས་སུ་དཔག་པ་ཡིས།། ཡ་མཚན་རྨད་ཀྱི་ཆོས་འདི
156b2 རྟོགས་པར་ནུས་པ་མ་ཡིན་ཏེ།། རྟག་པར་ཀུན་རྫོབ་རྣམ་པར་སྣང་མཛད་སྐུ།། ཡིད་བཞིན་ནོར་ལྟར་དགོས་དགུ་འབྱུང་བའི་གཞི།། དེ་བས་གསང་སྔགས་བདག་ཉིད་ཆེན་པོ་འདི།། དངོས་གྲུབ་བྱིན་རླབས་གཏམས
156b3 པའི་ཐབས་ཤེས་ཅན།། བསམ་ཡས་གཏིང་དཔག་དཀའ་བ་རྒྱལ་པོ་འདྲ།། ཁམས་གསུམ་ལས་འདས་བྱང་ཆུབ་རིན་པོ་ཆེ།། སྟོར་བས་བཙལ་ཀྱང་རྙེད་པར་ག་ལ་འགྱུར།། ཐིག་ལེ་ཆེན་པོ་ཀུན་ཏུ་ཆུབ་གནས
156b4 པའི།། ཐབས་དང་ཤེས་རབ་རྣམ་ལྡན་ཡེ་ཤེས་སྙིང་པོ་ཉིད།། ཟླ་གསང་ཐིག་ལེ་སྐྱེ་འགག་བདག་ཏུ་རྫོགས།། སྐྱེས་ཆེན་ཐུགས་ལ་རྟག་ཏུ་གསལ་བའི་སྐུ།། ཐམས་ཅད་ཡེ་སངས་རྒྱས་པའི་རྫོགས་ཆེན་འདི།། མ
156b5 བཀག་ཅི་བདེར་གནས་པའི་ཐབས་པོ་ཆེ།། མི་བསྒྲིབ་གསལ་བར་གནས་པས་པདྨ་ཅན།། གཉིས་མེད་ཐིག་ལེར་འདུས་ཤིང་བརྗོད་ལས་འདས། བཀྲ་ཤིས་པ་རིག་པའི་ཁུ་བྱུག་གི་རྒྱུད་ལས། ཐབས་དང་ཤེས་རབ
156b6 གཉིས་སུ་མེད་པའི་ལེའུ་སྟེ་གསུམ་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་གསང་བ་ཁྱད་པར་དུ་བསྟན་པ་ཆེད་དུ་བརྗོད་དེ། ཕུང་པོ་ལྔ་ནི་དེ་བཞིན་གཤེགས་པའི་རྒྱལ་བའི་ཚེ།། དཀར
iiif viewer powered by OpenSeadragon
