| e-texts navigator |
| Wylie |
155b1 འདིར་འགྲུབ་པ་གདོན་མི་ཟ་བར་རྟོགས།། མ་རིག་བདག་ཏུ་བཟུང་ནས་བལྟ་ཉེས་པས།། སངས་རྒྱས་སེམས་ཅན་འབྱེད་པ་སྲིད་པའི་རྩ།། དོན་དམ་སྐྱེ་མེད་དངོས་པོ་མེད་བདེན་པས།། བསྒོམ་དུ་མེད་པར་འཇོག་པ
155b2 དམ་པ་ཉིད།། ཡང་དག་མ་ནོར་གདེང་ཆེན་ལྡན་པས་གང་།། བློ་ཡི་གཏིང་དུ་ཤིན་ཏུ་ངོམས་བྱས་ནས།། བཙལ་མི་དགོས་པའི་ནོར་བུ་རིན་པོ་ཆེ།། དགེ་སྡིག་གཉིས་ཀྱི་འབྲས་བུ་སོ་སོར་སྨིན།། ཐེག་དམན་གཉིས
155b3 ཀའི་རྒྱུ་ལ་བཞུགས་ཡོད་ཕྱིར།། ཞེ་སྡང་ལ་སོགས་ངན་སོང་རྒྱུ་ཉིད་ད་ལྟ་དག་པའི་ཕྱིར།། ཚེ་འདིའི་འབྲས་བུ་ཐོབ་པ་དེ་ཉིད་མོད།། དུས་གསུམ་རྒྱལ་བའི་གསང་ཆེན་ངེས་པའི་དབང་།། བྱིན་ནམ་བསྟན་ནམ་མཐོང
155b4 བར་མ་བྱས་ན།། རྡོ་རྗེ་རྒྱལ་པོ་ཡོན་ཏན་དབང་མེད་པས།། ནོར་བུ་རྒྱལ་སར་བསྐོས་པ་ཇི་བཞིན་དུ།། དབང་བསྐུར་བྱས་པས་བདག་གཞན་བརླག་པར་འགྱུར།། བཀྲ་ཤིས་པ་རིག་པའི་ཁུ་བྱུག་ལས། མདོར་བསྡུས
155b5 པ་མདོ་སྡེའི་དགོངས་པ་དང་ཞུས་པའི་ལན་དང་བཅས་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། བཙལ་བ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ
155b6 བརྗོད་པ་འདི་བརྗོད་དོ།། རྡོ་རྗེའི་སེམས་ནི་གསུང་བགྲོད་སྦྱང་བ་མ་ལུས་དེ་དབང་བསྒྱུར།། རྡོ་རྗེ་འདུ་འབྲལ་མེད་དེ་བདེ་བ་ལ་གནས་རྡོ་རྗེའི་དབང་།། རྡོ་རྗེ་དེ་ནི་སྐྱེ་དང་འགག་པ་མེད་དེ་ཡངས་ཤིང་ཟབ།། དེ་ཕྱིར
iiif viewer powered by OpenSeadragon
