| e-texts navigator |
| Wylie |
155a1 བསྒྲིབ།། ཞི་ཁྲོའི་དཀྱིལ་འཁོར་སོ་སོར་མཆིས་མ་མཆིས།། ལྷ་གཅིག་བསྒོམས་པས་གཞན་དབང་འགྱུར་རམ་ཅི།། རྣལ་འབྱོར་མི་རྟོག་ཏིང་འཛིན་གསལ་གྱུར་ན།། ཏིང་འཛིན་གཞན་ལ་སྙོམས་པར
155a2 འཇུག་མི་འཇུག། སྔགས་ལ་འཇུག་པའི་རྣལ་འབྱོར་དབང་ཕྱུག་གིས།། མདོ་སྡེ་བསྒོམས་ནས་གཏན་ཚིགས་བཅལ་ན་ཀོ། འཕགས་པ་དག་དང་མི་མཉམ་སྐྱོན་ཅི་ལགས།། བསྒོམ་དུ་མེད་པར་གཞག་ཏུ་རུང་མི
155a3 རུང་།། ལུང་དང་སློབ་དཔོན་མཁས་པས་སེམས་བཅོས་ན།། སྔགས་ཀྱི་འཕྲོ་འདུ་མེད་པར་དོན་ཐོབ་བམ།། དགེ་བ་གཞན་གྱི་རྣམ་སྨིན་ཕྱི་མར་འབྱུང་།། སྔགས་སྤྱོད་ཚེ་འདིར་འགྲུབ་བམ་ཅི་ལས་འགྱུར།། ངེས་པའི
155a4 དབང་མ་ཐོབ་པའི་སློབ་དཔོན་གྱིས།། གཞན་ལ་དབང་བསྐུར་དབང་ཐོབ་ཕན་མི་ཕན།། ཞེས་ཞུས་པས། ཆེད་དུ་གླེང་པ། ཏིང་ངེ་འཛིན་གྱི་གོམས་པའི་མཐུར་ལྡན་ན།། རང་བཞིན་གཟུགས་བརྙན་བྱེ་བྲག་ཅུང་ཟད
155a5 མེད།། ཐམས་ཅད་སྐུ་གསུང་ཐུགས་སུ་འོད་གསལ་ན།། སྟོབས་ལྡན་གུད་ན་མེད་པས་བསྒྲིབ་མི་ནུས།། ཆོས་སྐུ་རོ་གཅིག་འགྲོ་དོན་བྱེད་མཉམ་སྟེ།། མོས་པའི་བློ་ལ་སོ་སོ་ཉིད་དུ་གསལ།། ཡེ་ཤེས་དབྱིངས་སུ་ཕྱག
155a6 རྒྱ་ཀུན་གཅིག་ཕྱིར།། བདེ་གཤེགས་གཅིག་བསྒོམ་རྒྱལ་བ་ཀུན་གྱི་ངང་།། ཏིང་འཛིན་སྙིང་པོ་མི་རྟོག་གོམས་གྱུར་ན།། ཏིང་འཛིན་གཞན་ཕྲ་དེ་ལ་སྦྱར་མི་དགོས།། གཅིག་ཅར་འཇུག་པ་གོམས་པ་མངོན་གྱུར་ན།། ཚེ
iiif viewer powered by OpenSeadragon
