| e-texts navigator |
| Wylie |
154a1 སེམས་དཔས་མཆོད་པ་རྣམ་གཉིས་མཆོད་དེ། ཕྱག་བཙལ་ཏེ་ཤིན་ཏུ་འཛུམ་པ་དང་བཅས་པའི་ངག་གིས། བཅོམ་ལྡན་འདས་ཆེན་པོ་བདེ་བར་གཤེགས་པ་ཆེན་པོ།། མཐའ་དག་དབུས་སུ་བལྟ་བ་ཇི
154a2 ལྟར་ལགས། ཕྱི་རོལ་ཡུལ་ལ་ཇི་ལྟར་འཚལ། རྡོ་རྗེ་སེམས་དཔའ་འགྲོ་བ་དང་ཆོས་ཐམས་ཅད་ཀྱི་རང་བཞིན་པ་དང་། རིགས་ལྔ་ཡེ་ཤེས་ལྔར་བསྟན་པ་ཇི་ལྟར་ལགས། གསང་སྔགས་རིག་སྔགས་ཞེས་བྱ་བ་ནི་གང་།
154a3 རྡོ་རྗེ་ཐེག་པ་ཆེན་པོའི་སྒོ་ནས་འཇུག་པ་དང་། མདོ་སྡེའི་སྒོ་ནས་འཇུག་པ་གཉིས་སེམས་མཉམ་པར་འཇོག་པའི་དུས་ན་ཚུལ་ཇི་ལྟར་འཇོག། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་བཀའ་སྩལ་པ།
154a4 མཐའ་སྤང་དབུས་རྟོགས་པ་ལ་ཤེས་ཡུལ་དབྱེ།། འགྲོ་བའི་ཡིད་དུ་ཀུན་གཅིག་རྡོ་རྗེ་སེམས་དཔའི་ངང་།། ཡེ་ཤེས་དབྱིངས་གསལ་སྐྱེ་མེད་ཐབས་ཆེན་གྱིས།། བྱིན་བརླབས་ཁྱད་འཕགས་རྒྱལ་བ་རིགས་ལྔར
154a5 སྣང་།། དོན་དམ་གསང་བ་གསང་སྔགས་རྒྱལ་པོ་ཆེ།། རྣམ་གྲོལ་དག་པ་རིག་སྔགས་བླ་མེད་གསུང་།། འཇུག་ལྡོག་མཐར་ཟད་བླ་མེད་ལྷུན་གྲུབ་ལམ།། སྟོང་སྨོན་མཚན་འཛིན་ལམ་མཆོག་བདེ་བ་སྒྲུབ།། ཞི་དང
154a6 གནས་དང་ལྷག་མཐོང་དག་དང་ནི།། ཀུན་གཞི་རྣམ་ཤེས་ཡོད་པའི་དངོས་ཉིད་དང་།། འཇིག་རྟེན་བལྟ་བ་རྣམ་བཞི་འདས་པའི་བལྟ།། ཁམས་གསུམ་ལས་འདས་ནོར་བུ་རིན་པོ་ཆེ།། ཕུང་པོ་ལྔ་པོ་མི་གཡོ་བྱང་ཆུབ
iiif viewer powered by OpenSeadragon
