| e-texts navigator |
| Wylie |
153b1 ལ་འཚལ།། ཡངས་པ་ཆེན་པོས་བཤད་དུ་གསོལ།། ཞེས་ཆེད་དུ་གླེང་ངོ་།། དེ་ནས་བཅོམ་ལྡན་འདས་ཆེན་པོ་དཔལ་ཀུན་ཏུ་བཟང་པོས་བཀའ་སྩལ་པ། རྣམ་དག་པ་དང་མྱ་ངན་འདས།། ཆོས་སྐུ་དངོས་ཡོད་རྣམ་དག
153b2 ཉིད།། གཞན་ལས་མ་བྱུང་རང་ལ་གནས།། སྣ་ཚོགས་རང་བཞིན་མི་གཉིས་ཏེ།། ཆ་ཤས་ཉིད་དུ་སྤྲོས་དང་བྲལ།། ཐེག་པ་སྣ་ཚོགས་ཡིན་པར་བཤད།། མཆོག་གི་དམ་པ་སྙིང་པོ་ནི།། ལུང་གི་དམ་པ་བྱང་ཆུབ
153b3 སེམས།། འགྲོ་བ་ཀུན་ལ་རང་བཞིན་གནས།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་ཆེད་དུ་གླེང་པ།། སོ་སོ་སྐྱེ་བོས་མི་ཤེས་པས།། ཤེས་པ་གསུམ་པོ་མ་སྤངས་ཕྱིར།། སྐུ་གསུམ་ལས་ནི་རིང་དུ
153b4 འགྱུར།། སྐུ་གསུམ་ཡེ་ཤེས་ཆེ་རྟེན་འབྱུང་།། ཟིན་པས་རྩོལ་བའི་ནད་སྤངས་ཏེ།། ལྷུན་གྱིས་གནས་པས་བཞག་པ་ཡིན།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། རབ་ཏུ་གསང་བའི་ཆོས་བསམ་པར་བྱ
153b5 བ་ལ་རབ་ཏུ་གླེང་བ། བསམ་པ་བསམ་པར་མི་བྱ་སྟེ།། མི་བསམ་པའང་མི་བསམ་མོ།། གང་ལའང་རྣམ་པར་མི་སེམས་པ།། དེ་ནི་དེ་བཞིན་མཉམ་ཉིད་དོ།། རྣམ་མི་རྟོག་ཏུ་ཀུན་འདུས་ཕྱིར།། ཚོར་བར་བསྒོམས་ན
153b6 ཅི་ཞིག་གནས།། ཇི་བཞིན་པ་ཞེས་བསྟན་པ་ཉིད།། རང་གི་རིག་པ་ཚངས་པ་ཡིན།། བཀྲ་ཤིས་པའི་རིག་པ་ཁུ་བྱུག་ལས་དངོས་པོ་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་རྡོ་རྗེ
iiif viewer powered by OpenSeadragon
