| e-texts navigator |
| Wylie |
153a1 དགོངས་ཕྱིར།། དེ་ལ་རྟག་ཆད་མཐར་མི་ཆགས།། ཡེ་ཤེས་རིག་པས་དོན་རིག་པས།། ཉམས་སུ་བླང་མེད་རང་རིག་ཉིད།། ཡེ་ཤེས་རང་རིག་འདི་འདྲ་ཞེས།། རྡོ་རྗེ་སེམས་དཔས་བསྟན་དུ་མེད།། ཀུན
153a2 རྫོབ་བརྗོད་ཡོད་མ་རྟོགས་པ།། ཡང་དག་བདེན་པ་ཉིད་དུ་ནི།། འཁོར་བ་མྱ་ངན་འདས་པའི་ཆོས།། རང་བཞིན་མེད་པས་ཡེ་ནས་ཞི།། གཅིག་པས་དུ་མ་མེད་པར་གྱུར།། གཅིག་ལས་མཉམ་ཉིད་ཕྱོགས་བྲལ
153a3 བས།། དེ་དག་རང་བཞིན་མི་དམིགས་ཕྱིར།། ཐམས་ཅད་དེ་བཞིན་ཉིད་དུ་བཞག། རང་བྱུང་རང་ཞི་མཉམ་བཞག་པས།། མཚན་མའི་འགོག་པར་ལྷུང་མི་སྲིད།། དེ་ལྟར་དོན་ལ་རེག་གྱུར་ན།། ཅི་ལ་གནས་ཤིང་གང
153a4 ལ་ཆགས།། གང་ཞིག་འགག་ཅིང་ཅི་ཞིག་བླང་།། མ་སྤངས་ལྷུན་གྲུབ་ཀུན་ཏུ་བཟང་།། སྐུ་གསུམ་ལྡན་པས་ཕོ་བྲང་མཆོག། ལྷུན་གྲུབ་བྱ་ཡི་དབྱིབས་འདྲ་ལ།། རྩི་ཤིང་ནགས་ཚལ་སྣ་ཚོགས་ལྡན།། གཅན་ཟན་རི
153a5 དྭགས་སེམས་ཅན་རྣམས།། ཐམས་ཅད་ཐ་དད་བསམ་གྱིས་མི་ཁྱབ་ནས།། རྡོ་རྗེ་འཁོར་ལོ་འཛིན་སོགས་ཀྱི།། བླ་མེད་གནས་སོགས་ལས་ཀྱི་མཐོང་།། རྟོགས་ནས་རང་སྐལ་ལྡན་པས་ཆོས།། སོ་སོར་གོ་བ་བསམ
153a6 མི་ཁྱབ། དེ་ནས་དཔལ་རྡོ་རྗེ་སེམས་དཔས། བཅོམ་ལྡན་འདས་ཀུན་ཏུ་བཟང་པོ་ལ་ཞལ་ཤིན་ཏུ་འཛུམ་པས་བལྟས་ནས།། ཨེ་མ་ཧོ་རབ་ཏུ་གསང་བའི་མཆོག། གང་ལས་བྱུང་ནས་ཅི་ཞིག་བྱེད།། གང་དུ་འགྲོ་བ་སུ
iiif viewer powered by OpenSeadragon
