| e-texts navigator |
| Wylie |
152a1 མེད་པ་ལ། མི་སེམས་པར་སེམས་ཤིང་མདུན་མེད་པར་ལྡན་པ། ནང་དང་ནང་གི་ཕྱི་རོལ་མེད་ཅིང་མི་ལྡན་པ་མེད་པར་ཐ་དད་པ། རྡོ་རྗེ་ཆེན་པོ་དགྱེས་པར་ཀུན་སྡུད་ཅིང་འདུས་ནས་འགྲུབ་པ། བདེ
152a2 བ་ཆེན་པོའི་ཚུལ་མི་བརྗོད་པར་ཐམས་ཅད་ཐམས་ཅད་དང་གཉིས་སུ་མེད་པར་གྱུར་པ། ཆོས་ཀྱི་སྐུ་ནི་འདུ་བྱེད་ཀྱི་ཆོས་མ་ཡིན་པ། མཚན་མ་ཐ་དད་པ་གང་ཡང་མ་ཡིན་པ། ཆོས་ཐམས་ཅད་ཀྱི་རང་བཞིན་དང
152a3 གཞིར་གྱུར་པའི་ཕྱིར་ནམ་མཁའ་ཇི་ལྟ་བ་བཞིན་པས་དེ་ནི་རྟག་པ་བཞིན་ནོ་བྱའོ།། ཆོས་ཀྱི་དེ་བཞིན་ཉིད་དང་། ཡེ་ཤེས་ཀྱི་དེ་བཞིན་ཉིད་དེ་གཉིས་ཀྱི་དེ་བཞིན་ཉིད་ནི་གཅིག་པའང་མ་ཡིན། ཐ་དད་པའང་མ་ཡིན
152a4 པས། དབྱིབས་དང་ཁ་དོག་ལས་འདས་པའི་ཆོས་ཀྱི་སྐུ་དེ་ནི་ཡེ་ཤེས་རྣམ་པར་དག་པ་དང་། སྤང་བར་བྱ་བ་གཉིས་ཀྱི་ཕྱིར། ལྷན་ཅིག་གྲུབ་པའི་ཆོས་ཀྱི་སྐུ་ནི། རྣམ་པར་དག་པ་ཕུན་སུམ་ཚོགས་པ་ཞེས་བྱའོ།། དུས
152a5 གསུམ་གྱི་དེ་བཞིན་ཉིད་ཀྱི་དེ་བཞིན་ཉིད་དང་། ཆོས་ཐམས་ཅད་ཀྱི་དེ་བཞིན་ཉིད་དེ་བཞིན་ཉིད་དངོས་པོ་མེད་པར་རོ་གཅིག་པའི་ཕྱིར་དང་། ཐེག་པ་རྨད་དུ་བྱུང་བ་དང་། རིན་པོ་ཆེ་ཚད་མེད་པ་སེལ་བ་དག་སྟེ།
152a6 སངས་རྒྱས་ཐམས་ཅད་ལ་དགོངས་པའོ།། དཔའ་བོ་རྟག་པར་དགོངས་པ་ཡི།། མཚན་མ་ཐམས་ཅད་ལས་འདས་ཤིང་།། མཚན་མས་མ་གོས་བསྒོར་མེད་པས།། རྣམ་པར་མི་རྟོག་ཆོས་ཀྱི་སྐུ།། རྟག་པའང་མ་ཡིན
iiif viewer powered by OpenSeadragon
