| e-texts navigator |
| Wylie |
151b1 བྱ་བཟོད་ན།། འཕགས་ཐུགས་འགལ་དང་འཕྲལ་དུ་གནོད་སྦྱིན་མོས།། བར་ཆད་བྱེད་ཕྱིར་བློ་ཡི་ཟེར་ལ་བསྐྱོད།། ལ་སྟོད་མཁས་པ་མགོན་པོ་ལ།། ཉང་སྟོད་ལྕེ་ནག་བདུད་རྩིས་ཞུས།། ། @#།། རྒྱ་གར་སྐད་དུ།།
151b2 སྭསྟི་ཤྲཱི་བིདྱཱ་ཀོ་ཀི་ལ། བོད་སྐད་དུ། བཀྲ་ཤིས་པའི་དཔལ་རིག་པའི་ཁུ་བྱུག། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།། དུས་གསུམ་གྱི་དེ
151b3 བཞིན་གཤེགས་པ་བཅོམ་ལྡན་འདས་ཐམས་ཅད་ཀྱི་ཐུགས།། བཅོམ་ལྡན་འདས་ཆེན་པོའི་ཡེ་ཤེས་དང་ཡང་མི་མཉམ་པའི་གསང་སྔགས་ཐེག་པ་ཆེན་པོའི་ཡང་ཐེག་པ་ཆེན་པོ། དུས་གསུམ་གྱི་དེ་བཞིན་གཤེགས
151b4 པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་ལྟར་དབྱེར་མི་ཕྱེད་པའི་བདག་ཉིད། གཞི་རྩ་མེད་པའི་སྙིང་པོ་ཆོས་ཐམས་ཅད་རྒྱུ་ཡོད་པ་དང་མེད་པའི་ཚིག་ཟད་པ། སྲིད་པའི་ས་བོན་མ་སྤངས་པར་ཟད་ནས་དག་པ། ཁ
151b5 དོག་དང་དབྱིབས་དང་མཚན་མ་མེད་པར་རིགས་རྒྱུད་དང་བྲལ་བ། གང་གི་གནས་སུ་མ་གྱུར་ཅིང་ཐམས་ཅད་ཀྱི་གཞིར་གྱུར་པ། མིང་དང་ཚིག་གིས་རྣམ་པར་དག་ཅིང་། རྣམ་པའི་སྤྱོད་པ་ཐམས་ཅད་དངས་ཤིང
151b6 བདེན་པ་གཉིས་མགོ་མཉམ་དུ་དྲིལ་པ། ཡེ་ཤེས་སྙིང་པོ་ཆེ་བ་ཐམས་ཅད་ཀྱི་བླ། ཆོས་ཐམས་ཅད་ནི་ཚུལ་བཞིན་གནས་ལ། ཆོས་ཐམས་ཅད་ཚུལ་བཞིན་དུ་མི་གནས་པའི་མཆོག། གང་བསམ་དུ་མེད་པའི་ངོ་བོ་ཉིད
iiif viewer powered by OpenSeadragon
