| e-texts navigator |
| Wylie |
151a1 འོད་ཀྱི་ཟེར་བསྐྱོད་པ།། ཐུགས་ཀྱི་དཀྱིལ་དུ་བསྟིམ་ལ་འཁོར་ལོ་བསྐོར།། སྙིང་པོ་མཐའ་མེད་རྣམ་པར་དག་པའི་རྒྱུད།། ལྕེ་ཡི་རྩེ་མོ་ལས་བྱུང་སྒྲོན་མ་འབར་བ་དག། ཡེ་ཤེས་དག་པའི་སྒྲོམ་དུ་སྦ་བར
151a2 བྱའོ།། བྱང་ཆུབ་ཀྱི་སེམས་རྨད་དུ་བྱུང་བའི་རྒྱུད་ལས། རྒྱུད་ཀྱི་བདག་པོ་ལ་བསྟོད་པ་དང་། རྒྱུད་ལ་བསྟོད་པ་དང་། བདག་པོས་རྒྱུད་གཏད་པ་དང་། གདམས་ངག་ལ་བཟླ་བའི་ལེའུ་སྟེ་བཅུ་གཅིག
151a3 པའོ།། །། རྒྱུད་ཀྱི་རྒྱལ་པོ་ཆོས་ཐམས་ཅད་ཀྱི་རྨད་དུ་བྱུང་བ་རྫོགས་སོ།། །། བྱང་ཆུབ་ཀྱི་སེམས་རྨད་དུ་བྱུང་བ་བུ་གཉིས་མ་ཉིད་དང་གསུམ་བཞུགས་པ་ལས། ཟབ་མོ་པོ་ཏི་པུ་རིའི་ལྷ་ཁང་དུ་བུ་གཉིས
151a4 ལུས་སོ།། སློབ་དཔོན་བུདྡྷ་གུཔྟས་བསྣམ་པར་བཞེད་ནས། ལན་གཅིག་གཟིགས་པས། གནོད་སྦྱིན་ཁ་རྩལ་གྱིས་འགྲམ་དུ་ཐལ་ལྕག་གཅིག་བརྒྱབ་ནས་བརྒྱལ་བར་གྱུར་ཏོ།། བརྒྱ་ལ་སངས་པ་དང་། སྲིན་པོ་ལྟ་བུའི
151a5 ཚུལ་དུ་འདུག་པས་སྨྲས་པ།། གནས་ཁང་བརྒྱལ་བར་གྱུར་པ་འདི་ཉིད་ཀྱི།། རྒྱལ་པོ་མེ་འོད་ཁྱོད་ཀྱི་མེ་ཁྱེར་རོ།། གལ་ཏེ་ཁྱེར་ན་ཁྱོད་ཉིད་གསོད་པར་བྱ། ཞེས་སྨྲས་པས་བྲེད་ཅིང་དངངས་ནས། མ་ནི་གོང་དུ་སྤྱན
151a6 གཞན་ཞིག་ཏུ་དྲངས། བུ་གཉིས་དེར་ལུས་སོ།། གོང་དུ་དེ་ཉིད་རྣམ་པར་འགྲེལ་པ་ལ།། དགོས་འདོད་གསལ་ཚད་དོན་ལ་འཆར་བ་ནི།། མ་བུ་གསུམ་ནས་དྲངས་ཏེ་གཏན་ལ་ཕབ།། ཕྱི་ནས་བློ་ཡི་ཟེར་ལ་བསྐྱོད་ནས
iiif viewer powered by OpenSeadragon
